अर्घाखाँची । पारिवारिक नीजि वन (एफोन) को आयोजनामा सन्धिखर्कमा पारिवारिक श्रोतमा स्थानीय समुदायको अधिकार विषयक अन्तरक्रिर्या कार्यक्रम सम्पन्न भएको छ । सो अवसरमा बोल्दै एफोनका केन्द्रीय न्यायिक बिभागका सदस्य राम मल्ल ठकुरीले पारिवारिक वन सरकारले राखेका लक्ष्य पूरा गर्ने साझेदार निकाय भएको बताए । उनले सरकारको कतिपय नीतिका कारण आफैले हुर्काएको वनबाट जनताले लाभ लिनबाट बञ्चित हुँदै आएको बताए ।
कार्यक्रममा निमित्त डिभिजन वन प्रमुख शिला पाख्रेलले सरकारले सामुदायिक वनसंगै अहिले नीजि वनको अवधारणा ल्याएको बताईन् । उनले डिभिजन वन कार्यालयमा पारिवारिक नीजि वन दर्ता गर्न सुझाब समेत दिईन् । कार्यक्रममा एफोनका प्रदेश सदस्य बिष्णु प्रसाद पौडेल, फेकोफन जिल्ला अध्यक्ष रामचन्द्र पोख्रेल, पत्रकार महासंघका जिल्ला सदस्य वसन्त श्रेष्ठ लगायतले मन्तव्य राखेका थिए । कार्यक्रममा एफोनका जिल्ला सचिव खिमानन्द खनालको अध्यक्षता र केशब मरासिनीको सञ्चालनमा सम्पन्न भएको थियो ।
नयाँ कार्यसमिती गठन
पारिवारिक नीजि वन (एफोन) को भेलाले खिमानन्द खनालको अध्यक्षतामा १४ सदस्यीय नयाँ कार्य समिति समेत गठन गरेको छ । जसको उपाध्यक्षमा दिपक कुवँर, सचिवमा भरत शाह, कोषाध्यक्षमा माया पौडेल लगायत रहेका छन् ।
युनिकोड
मिति रूपान्तरण
ग्लोबल आवाज
प्रतिक्रिया