प्रभु बैंकले ल्यायो ३ वर्षे निशुल्क डिम्याट खाता योजना

काठमाडौं । प्रभु बैँकले नयाँ योजना कार्यान्वयनमा ल्याएको छ । योजनाअन्तर्गत बैँकले साउन महिनाभरि डिम्याट खाता खोल्ने ग्राहकहरुको लागि ३ वर्षे निशुल्क डिम्याट खाता योजना सञ्चालनमा ल्याएको छ । प्रभु क्यापिटलसँग जोडौँ नाता, पाँउ ३ वर्षसम्म निशुल्क डिम्याट खाता भन्ने नाराका साथमा यो खाताको सुविधा प्रभु क्यापिटल लिमिटेडको कार्यलय कमलादी तथा प्रभु बैँक लिमिटेडको नेपालभर रहेका २१० शाखाबाट लिन सकिनेछ ।

लगानीकर्ताको यस प्रक्रियालाई सहज बनाउन मोबाईलबाट नै डिम्याट खाता तथा मेरो सेयरको खाता खोल्न सकिनेछ । डोमेनबाट अनलाइन फारम खोली ग्राहकहरुले सबै विवरण राखेर फारम सबमिट गरेपछि रिफरेन्स कोड राखेर नजिकैको प्रभु बैँकको शाखा वा प्रभु क्यापिटल कमलादीमा गएर भेरिफाइ गर्नुपर्नेछ । भेरिफाइ गरेको २ घण्टामा ग्राहकले डिम्याट नं प्राप्त गर्नेछन् ।