दाङ । विप्लव समूहको नामबाट व्यापारीसंग आठ लाख रुपैयाँ बढी रकम चन्दा माग्ने दुईजनलाई ईलाका प्रहरी कार्यालय तुलसीपुरले सार्वजनिक गरेको छ । बबई गाउँपालिका–५ हापुरे निबासी गौतम टेडर्सका संचालक निमकान्त गौतमसंग ८ लाख ६५ हजार रकम चन्दा मागेको आरोपमा सोही ठाउँ निबासी २९ बर्षका भास्कर वली र केवल भन्ने कृष्ण वलीलाई सार्वजनिक गरेको ईलाका प्रहरी कार्यालय तुलसीपुरका प्रहरी प्रवक्ता तथा प्रहरी निरीक्षक चक्र डम्बरपालले जानकारी दिए ।
असार २४ गते घरको मुल ढोकामा विप्लव पार्टीको नामबाट ८ लाख ६५ हजार तीन दिन भित्र बुझाउने पर्ने भन्दै पत्र छोडेका आरोपीले २६ गते राती तोकेको रकम नदिए सन्तान नै सखाप पारिदिने चेतावनी दिएको प्रहरीले बताएको छ । प्रहरीले केबलाई सोमबार र भास्करलाई मंगलबार बिहान पक्राउ गरेको थियो । पक्राउ परेका दुबै जनालाई अपराधिक लाभ अन्र्तगत मुद्दा दर्ता गरेर अनुसन्धान अघि बढाएको प्रवक्ता डम्बरपालले जानकारी दिए ।
युनिकोड
मिति रूपान्तरण
ग्लोबल आवाज
प्रतिक्रिया