बुटवल । लायन्स क्लब अफ बुटवल सेन्ट्रल र लियो क्लब अफ बुटवल सेन्ट्रलद्धारा संयुक्त रुपमा बुटवल उपमहानगरपालिका वडा नं- २ मा रहेको सिद्धबाबा दर्गा भवानी शिवकुमारी सैंजु वृद्धाश्रममा खाद्यान्न सामाग्री हस्तान्तरण गरेको छ । क्लबको सामाजिक उत्तरदायित्व अन्तर्गत बृद्धाश्रममा रहेका ८ जना बृद्धबृद्धाहरुलाई फलफुल, तरकारी लगाएतका खाद्यान्न सामाग्री सहयोग गरेको क्लबका सचिव विशाल पाण्डेले बताए ।
सो अवसरमा बोल्दै लायन्स क्लबका अध्यक्ष निरज केसीले मानवाता नै सबैभन्दा ठुलो धर्म भएको बताए । उनले सबैले आफ्ना अभिभावकहरुलाई माया सद्भाव र स्नेह प्रदान गर्ने हो भने कसैलाईपनि वृद्धाश्रममा जान नपर्ने भन्दै त्यस वृद्धाश्रममा रहेकाहरुलाई सम्मान व्यक्त गरे । त्यस्तै एरीया ३२५ वि २ का कोषाध्यक्ष पौडेलले त्यहा भएका बृद्धबृद्धाहरुले पनि आफ्नो जिवनकालमा हरेका माध्यमबाट राज्यलाई योगदान गरेको बताउँदै क्लबहरुका यस्ता सहयोग र सदभावहरुले आत्मीयता र बृद्धबृद्धाहरुलाई खुसी साथ बाच्ने प्ररेणा मिल्ने बताए ।
लियो क्लबका निवर्तमान अध्यक्ष बुद्धि कुँवरले क्लबले आयोजना गरेको कार्यको प्रशसां गर्दै यस्तै कार्यक्रमहरु निरन्तर दिनुपर्ने बताए । कार्यक्रममा लायन्सका सचिव सागरमाणी पोखरेल, लायन्सका कोषाध्यक्ष सुरेश ज्ञवाली, सहसचिव उत्तम अर्याल, लियो क्लबका निवर्तमान अध्यक्ष बुद्धि कुवर लगाएतले कोभिड १९ को महामारीबाट देश लामो समय देखि बन्दाबन्दीमा गएको र हरेक क्षेत्रमा यसले प्रभाव पारेको हुँदा मानवतालाई केन्द्रबिन्दुमा राखि आश्रममा खाद्यान्नको अभाव नहोस् भनि उक्त कार्यक्रम आयोजना गरिएको बताएका थिए ।
हिमाल खनालको अध्यक्षतामा भएको कार्यक्रममा क्लबकि सक्रिय सदस्य अस्मिता सापकोटाको जन्मोत्सव पनि मनाईएको थियो । क्लबले आफ्नो स्थापनाकाल देखिनै अनाथालय, बृद्धाश्रम, सांस्कृतिक सम्पदा संरक्षण, शिक्षा, स्वास्थ्य, प्राकृतिक विपत्ति भोगेकाहरुका लागि, चेतना मुलक कार्यक्रमहरु आदि समय समयमा विभिन्न किसिमका सहयोग र राहत सामाग्रीहरु उपलब्ध गराउँदै आएको छ ।
युनिकोड
मिति रूपान्तरण
ग्लोबल आवाज
प्रतिक्रिया