बार्सिलोनाको सहज जित, उपाधि आशा कायमै

काठमाडौं । स्पेनिस ला लिगा फुटबलमा बार्सिलोनाले सहज जित निकालेको छ । गएराति भएको खेलमा बार्सिलोनाले भिया रियललाई ४–१ गोल अन्तरले हराएको हो । खेलमा पाउ टोरेसको आत्मघाति गोलसंगै बार्सिलोनाले तेस्रो मिनेटमा अग्रता बनाएका थियो । जेरार्ड मोरिनोले १३ औं मिनेटमा घरेलु टोलीका लागि बराबरी गोल फर्काएका थिए ।

लुईस स्वारेजले २० औं मिनेटमा गोल गर्दै बार्सिलोनालाई पुन अग्रता दिलाए । पहिलो हाफको अन्तिम मिनेटमा एन्टोनी ग्रिजम्यानले गोल बार्सिलोनालाई ३–१ को बलियो स्थितिमा पुर्याए । ८७ औँ मिनेटमा अंशु फातीले गोल गर्दै बार्सिलोनाको जित सुनिश्चित गरे । कप्तान लिओनल मेसीले दुई असिस्ट गरे । गोल भने भिएआरले मान्यता दिएन । मेस्सीले यस सिजनमात्र १९ गोलका लागि अन्तिम पास उपलब्ध गराएका छन् ।

जितसँगै बार्सिलोनाले शीर्ष स्थानको रियलसंगको दुरी चार अंकमा झारेको छ । जितसंगै बार्सिलोनाले उपाधिको सम्भावना कायमै राखेको छ । भिया रियलले ५४ अंक सहित तालिकाको पाँचौ स्थानमा छ ।