सार्वजनिक सम्पत्तिमाथि क्षति पुर्‍याउनेविरुद्ध विरोध

बुटवल । रुपन्देहीको तिलोत्तमा नगरपालिका अन्तर्गत ६ लेन सडकको डिभाइडरमा तिलोत्तमा नगरपालिकाद्वारा रोपिएको र हुर्कीएको ३२ वटा स्टोनियाको रुख र ३० वटा फोहोर फाल्न डस्टबिन मणिग्राम चोक देखि नयामिलसम्म अपराधिक समुहले गत बिहीबार राति काटिएको र तोडफोड भएको घटना प्रति राष्ट्रिय जनमुक्ती पार्टी तिलोत्तमा नगर समितिले कोभिड १९ विषम परिस्थितीमा पनि विरोध तथा खबरदारी कार्यक्रम गरेको छ । विरोधमा उत्रिएका पार्टीका नेता कार्यकर्ताहरुले मणिग्राम चोक स्थित सिद्धार्थराजमार्गको सडक अबरुद्ध गर्दै चर्को विरोध गरेका थिए ।

सार्वजनिक सम्पत्ति क्षती पुर्याउने अपराधिक घटनाको विषयलाई लिएर सो पार्टीका संघीय परिषद सदस्य गीता सारुले यसअघि गत वर्ष साउन १ गते राति तिलोत्तमा ड्राइभरटोल नयाँमिल खण्डको ६ लेन सडकको बीचको डिभाइडरमा राखिएका पँचवटा बुद्धका मूर्तिहरू फोडिएको बताउँदै यसरी पटक–पटक नगरमा भइरहेका यस्ता घटनाप्रति पार्टीको गम्भीर ध्यानाकर्षण गराएकी छिने । उनले यस्ता अपराधिक समुहलाई तत्काल अनुसन्धान गरी हदैसम्मको कारबाही गरिनु पर्दछ । तर दुस्खको कुरा आज सम्म ति अपराधीहरुलाई कारबाही गर्न नसकेको भन्दै प्रशासनले के हेरिरहेको छ ? यहाँ को नगर सरकारले के गरिरहेको छ ? भन्दै स्थानिय सरकार र प्रशासनलाई केन्द्रित गर्द प्रश्न गरिन् । प्रदर्शनकारीहरुले ‘खबरदार ! सार्वजनिक सम्पत्ती क्षेती गर्न पाईदैन्’, ‘सार्वजनिक सम्पत्ती क्षती पुर्याउने अपराधिलाई कडा कारबाही हुनुपर्छ’ जस्ता नाराका व्यान सहित प्रदर्शनमा उत्रिएका थिए । विरोध सभामा राष्ट्रिय महिला मोर्चा नगर अध्यक्ष निर्मला अस्लामी मगर, रुपन्देही जिल्ला अध्यक्ष प्रेम थापा, प्रदेश ५ अध्यक्ष झम बहादुर गुरुङ्ग र प्रमुख बक्ता संघीय परिषद सदस्य गीता सारुले बोलेका थिए ।

नगरअध्यक्ष भोमबहादुर बुढा मगरको अध्यक्षता भएको कार्यक्रममा राष्ट्रिय महिला मोर्चा नगर अध्यक्ष निर्मला अस्लामी मगर, रुपन्देही जिल्ला अध्यक्ष प्रेम थापा, प्रदेश ५ अध्यक्ष झम बहादुर गुरुङ्ग लगाएतले बोलेका थिए । कार्यक्रम संचालन सचिव प्रेम कनौजेले गरेका थिए । विरोध कार्यक्रम पछि तिलोत्तमा नगरपालिका प्रमुख बासुदेब घिमिरेलाई ज्ञापन पत्र बुझाएको थियो । ज्ञापन पत्र बुझ्दै, उक्त बिरुवा कसले र किन काट्यो भन्नेबारे स्थानीय प्रहरीले अनुसन्धान थालिसकेको र सार्वजनिक सम्पतिका रुपमा ‘ग्रीन तिलोत्तमा’को अवधारणालाई पूरा गर्न लगाइएका रुख बिरुवा काट्ने जोकोहीलाई कडा कारबाही गरिने नगरप्रमुख वासुदेव घिमिरेले बताए ।