लिगेशीको सोरुम जानकीनगरमा, फर्निचर र फर्निसिङ्गका सम्पूर्ण सुविधा

बुटवल । विगत ४ वर्षदेखि बुटवलको औद्योगिक क्षेत्रमा रहेर फर्निचर तथा फर्निसिङ सम्बन्धि काम गर्दै आएको लिगेशी उड वर्क प्रा.लि.ले आफ्नो पहिलो स्वरुम तिलोत्तमाको जाननिकरमा सञ्चालनमा ल्याएको छ । विगत लामो समय देखि रुपन्देहीमा समाजिक क्षेत्र, उद्योगमा नाम कमाएकी कल्पना सिवाकोटी पोखरेल, मिना पोखरेल र सृजना गहतराजको समुहले उक्त उद्योग र शोरुम स्थापना गरेको हो । १ करोड बढीको लागतमा तयार पारिएको शोरुमको बुधवार समाजसेवी तथा अग्रज अभिभावक ईन्दीरा पोखरेलले शुभारम्भ गरिन् । बुटवलको औद्योगिक क्षेत्रमा ४ कट्ठा जग्गामा आफ्नो उत्पादन गर्दै आएको कम्पनीले हालसम्म ३ करोड बढी लागतमा उद्योग सञ्चालन गरिरहेको सञ्चालक कल्पना सिवाकोटी पोखरेलले जानकारी गराइन् ।

३ जना महिला उद्यमीहरु मिलेर घर, कार्यालय, भवन तथा अन्य सबै प्रकारका डेकोरेसन, डिजाईन, फर्निचर र फर्निसिङ्ग सम्बन्धी काम गर्ने गरी उद्योग स्थापना गरिएको हो । कम्पनीका सिईयो ईन्जीनीयर आशिष पोखरेलका अनुसार उक्त कम्पनीले घर, भवन, कार्यालय वा कुनै पनि डेकोरेसन, डिजाईन, फर्निचर र फनिसिङ्गको काम गर्दै आएको छ । बुटवलमा खासगरी आधुनिक स्तरको किचन, बेड रुम, लिभिङ्ग रुम तथा सबै प्रकृतिको फर्निचर र फर्निसिङ्गको सेवा प्रदान गरिने कम्पनीका अध्यक्ष कल्पना सिवाकोटी पोखरेलले जानकारी दिईन । उद्योग र शोरुममा गरि हाल २६ जनाले प्रत्यक्ष रुपमा रोजगार प्राप्त गरेका छन् । उक्त कम्पनीले उत्पादन गर्ने सामानहरुमा कच्चा पदार्थको रुपमा प्लाई नेपाली र अन्य कपडाहरु भारतीय प्रयोग गरिएको छ । चाईनीज समानहरु कुनै पनि प्रयोग नगरिएको कम्पनीको दाबी छ ।

महिला उद्यमीहरुले खोलेको कम्पनी भएको कारण यसबाट आएको आम्दानीको केही प्रतिशत रकम महिला उद्यमीहरुको तालिमको लागि विनियोजन गरिने भएको छ । ईन्टेरियर डिजाईन कोर्ष समेत पुरा गरेकी सृजना गहतराजले ग्राहकहरुको योजना अनुसारको डिजाईन, डेकोरेसन लगायतका सबै काम गरिने जानकारी दिईन । ‘हामीले ग्राहकलाई सबै सामान किन्नु पर्छ भन्ने सिकाउँदैनौ, कुन सामान कहाँ राख्दा ठिक हुन्छ सोही अनुसार डिजाइन् र डेकोरका लागि जानकारी गराउने काम गर्दछौ ।’-गहतराजले अगाडी भनिन् ‘बजारमा ग्राहकले सबै सामान किनिदियोस भन्ने मान्यता पाइन्छ । हामीले त्यस्तो मान्यता राखेका छैनौ । उहाँहरुका लागि के सामान उपयुक्त हुन्छ, सोही अनुसार डिजाइन् र सल्लाह दिने गर्दछौ ।’ अर्की सञ्चालक मिना पोखरेलले कम्पनीले महिलाहरुको सशक्तिकरणका लागि स्थानीय निकाय तथा प्रदेश सरकारसँग पहल गर्ने जानकारी गराइन् ।