ताजा अपडेट »

लाङ्गघाली कप भलिबल प्रतियोगिता : उपाधि सत्यवतीलाई

मंगलबार, २७ फागुन २०७६, १८ : ४१
2 Shares

तिलोत्तमा । सत्यवती भलिबल क्लब,नवलपरासी प्रथम लाङ्गघाली कप पुरुप भलिबल प्रतियोगितामा च्याम्पियन बनेको छ । लाङ्गघाली युवा परिवार तिलोत्तमा-८ द्वारा आयोजित प्रतियोगिताको मंगलबार सम्पन्न फाईनल खेलमा लेखानी बाग्लुङलाई ३-२ को सेटमा पराजित गर्दै सत्यवती च्याम्पियन बनेको हो । प्रतियोगिताको उपाधि जितेको सत्यवतीले नगद ५१ हजार १ सय ५१ सहीत कप, मेडल र प्रमाणपत्र प्राप्त गरेको छ । उपबिजेता बनेको लेखानी लेखानी बाग्लुङले नगद ३१ हजार १ सय ११ मा चित्त बुझायो ।

प्रतियोगिताको पहिलो सेटमा पराजय भोगेको बाग्लुङले दोस्रो र तेस्रो सेटमा लगातार जीत निकालेको थियो । चौथो र पाचौँ सेटमा सत्यवतीले जीत निकालेपछि लेखानीले उपबिजेतामा चित्त बुझाएको हो । प्रतियोगितामा तृतिय बनेको कुँवरवर्ती ईङ्गलिस बोडिङ्ग स्कुलले नगद २२ हजार १ सय ११ प्राप्त गरेको छ । सान्त्वना स्थान हात पारेको मणिमुकुन्द भलिबल क्लवले ११ हजार १ सय ११ प्राप्त गरेको खेल संयोजक नरेन्द्र कुमार शारुले जानकारी दिए । लाङ्गघाली युवा परिवारका अध्यक्ष अम्मर बहादुर गाहाको अध्यक्षता, तिलोत्तमा नगरपालिका शिक्षा, युवा तथा खेलकुद समिति प्रमुख गंगारामा आचार्यको प्रमुख आतिथ्यतामा भएकाे समापन कार्यक्रमको संचालन सांस्कृतिक संयोजक खिम रेग्मी मगरले गरेकथिए ।

स्थानीय ज्याेती निमाविका प्रधानाध्ययापक दिल बहादुर थापाको स्वागतमा सम्पन्न कार्यक्रममा स्थानीय राजनितिक दलका प्रतिनिधि, सामाजिक संघसंस्थाका ब्यक्तिहरुको उपस्थिती रहेको थियो । प्रतियोगितामा बिभिन्न जिल्लाका २० वटा टिमको सहभागिता रहेको थियो । प्रतियोगिताको उद्घाटन तिलोत्तमा नगरपालिका वडा नम्बर ८ का अध्यक्ष कृष्ण प्रसाद पौडेलले गत फाल्गुण २४ गते गरेका थिए । ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।