काठमाडौं । आईसीसी टी-२० महिला विश्वकप क्रिकेटको उपाधिका लागि अस्ट्रेलियाले भारतलाई १८५ रनको लक्ष्य प्रस्तुत गरेको छ । मेलबोर्न क्रिकेट मैदान (एमसिजी) मा टस जितेर पहिले ब्याटिङ गर्ने निर्णय गरेको अस्ट्रेलियाले निर्धारीत २० ओभरमा ४ विकेट गुमाउँदै १८४ रन बनाएको हो ।
अस्ट्रेलियाका लागि एलिजा हिली र बेथ मूनीले अर्धशतकिय पारी खेले । हिलीले ३९ बलमा ७५ रन बनाइन् भने मूनी ७८ रन बनाउँदै अविजीत रहिन् । यस्तै, कप्तान मेग ल्यानिङले १६ रन बनाइन् । भारतका लागि दिप्ती शर्माले २ विकेट लिइन् । यस्तै, राधा यादव र पूनम यादवले समान एकएक विकेट लिए ।
चालू शृङ्खलामा अस्ट्रेलिया अविजित रहेका कारण उपाधिको हकदार मानिएको छ । महिला क्रिकेट विश्वकपको फाइनलमा भारत भने पहिलो पटक पुगेको हो ।
युनिकोड
मिति रूपान्तरण
ग्लोबल आवाज
प्रतिक्रिया