यस्ता छन् ब्लडप्रेसर लो हुनुका प्रमुख कारणहरु

सामान्य रुपमा कुनै पनि व्यक्तिको ब्लडप्रेसर १२०/८० को स्तरमा हुनुलाई ठिक मानिन्छ । यसमा थोरै घटबढलाई पनि सामान्य मान्न सकिन्छ तर, यदी यसको स्तर ९०/६० वा यसभन्दा पनि कम छ भने यसलाई निम्न रक्तचाप वा लो ब्लडप्रेसर भएको मानिन्छ ।

यसका प्रमुख कारण र लक्षण निम्न छन्

१. रगतको कमी– धेरै पटक शरीरमा रगतको कमी निम्न रक्तचापको कारण बन्न सक्छ । कुनै ठूलो चोटपटक लागेमा या आन्तरिक रक्त श्रावको कारणले शरिरमा अचानक रगतको कमी हुन्छ जसले ब्लडप्रेसर लो हुन्छ ।

२. कमजोरी वा पोषणको कमी– पोषणको कमी र कमजोरी पनि निम्न रक्तचापको एक प्रमुख कारण हो । जरुरी पोषक तत्व कमी हुनाले शरिरमा पर्याप्त मात्रामा रेड ब्लड सेल बन्न पाँउदैन जसले निम्न रक्तचाप हुन जान्छ ।

३. मुटु रोग– मुटुसँग सम्बन्धित कुनै पनि प्रकारको समस्या वा रोग भएमा पनि निम्न रक्तचाप हुन्छ ।

४. पानीको कमी– शरिरमा पानीको कमीले पनि तपाई धेरै पटक कमजोरी महसुस गर्नुहुन्छ । पानीको कमीबाट ब्लडप्रेसर लो मात्रै होइन स्वास्थसँग सम्बन्धित अन्य समस्याहरु पनि हुन्छन् जसमा ज्वरो, वान्ता हुनु, डायरिया आदि पर्छन् ।

५. गर्भावस्था– महिलाहरुमा गर्भावस्थाको समयमा निम्न रक्तचापको समस्या हुन सक्छ किनभने यो समयमा सर्कुलेटरी सिस्टम तिव्रताको साथ बढ्छ र निम्न रक्तचाप हुन्छ ।