प्रधानमन्त्रीको नयाँ मृगौलाले काम गर्न थाल्यो, उपचार सफल

काठमाडौं । प्रधानमन्त्री केपी शर्मा ओलीको मृगौला प्रत्यारोपण सफलतापूर्वक सम्पन्न भएको छ । बुधबार महाराजगञ्जस्थित त्रिवि शिक्षण अस्पतालमा प्रधानमन्त्री ओलीको दोस्रोपटक सफलतापूर्वक मृगौला प्रत्यारोपण सम्पन्न भएको उपचारमा संलग्न प्रा.डा.प्रेमराज ज्ञवालीले बताए ।

ओलीको बुधबार बिहान १० बजेबाट मृगौला प्रत्यारोपण सुरु भएको थियो । प्रा.डा.ज्ञवालीकै नेतृत्वमा प्रधानमन्त्री दोस्रो पटक मृगौला प्रत्यारोण गरिएको थियो । प्रधानमन्त्री ओलीलाई समीक्षा संग्रौला ज्ञवालीले मृगौला दिएकी हुन् । यसअघि उनको १२ वर्षपहिले भारतमा मृगौला प्रत्यारोपण गरिएको थियो ।

उपचारमा संलग्न चिकित्सकहरुका अनुसार प्रधानमन्त्रीको मृगौलाले काम गर्न सुरु गरिसकेको छ । प्रधानमन्त्रीको अवस्थाबारे थप जानकारी केहीसमयपछि गराउने अस्पतालले जनाएको छ ।