‘जेसिजको काउन्सिलर एकेडेमी भव्य र सभ्यरुपमा सफल बनाउछौँ’

बुटवल जेसिज परिवार अहिले काउन्सेलर एकेडेमीको तयारीमा जुटेको छ । यहि फागुन २३ र २४ गते नेपाल जेसिजको आयोजना तथा बुटवल जेसिजको आतिथ्यतामा सम्पन्न हुन लागेको एकेडेमीलाई भव्यरुपमा सम्पन्न गर्न बुटवल जेसिजका अध्यक्ष राजिव गौतमको नेतृत्वमा तयारी अगाडि बढिरहेको हो । सन् १९७४ मा स्थापित बुटवल जेसिजले लामो समय पछि आतिथ्यता गरेको यो राष्ट्रिय कार्यक्रमलाई महत्वपूर्ण रुपमा हेरिएको छ । यो कार्यक्रममा देशभरका जेसिज शाखा अध्यक्ष तथा नेपाल जेसिज वर्ष- २०२० का राष्ट्रिय पदाधिकारीहरुको सहभागिता हुँदैछ । यसै सन्दर्भमा रहेर बुटवल जेसिज वर्ष- २०२० का अध्यक्ष जेसी राजिव गौतमसँग गरिएको कुराकानी :

काउन्सेलर एकेडेमी- २०२० को तयारी कसरी अगाडि बढेको छ ?
– नेपाल जेसिजको मातहतमा रहेका १५६ शाखाका शाखा अध्यक्ष तथा नेपाल जेसिजका राष्ट्रिय पदाधिकारीहरुको उपस्थितिमा सम्पन्न हुने यो एकेडेमी सम्पन्न गर्न बुटवल जेसिजले अत्यन्त संवेदनशिल भएर लागेको छ । बुटवल जेसिज लामो इतिहास बोकेको नेपाल जेसिजको पुरानो शाखा हो । बुटवल जेसिजले सम्पन्न गरेका राष्ट्रिय महाधिवेशन तथा क्षेत्रिय सम्मेलन अहिले पनि चर्चा हुने गर्दछ । त्यो सफलता र चर्चाको पछाडि हाम्रा अग्रज बुटवल जेसिजका पूूर्व अध्यक्षहरुको ठूूलो योगदान रहेको म ठान्दछु । यसकारण पूूर्व अध्यक्षहरुको अनुभव र नयाँ पुस्ताको सक्रियतालाई संयोजन गरि यो कार्यक्रम सम्पन्न गर्ने तयारीमा जुटेका छौं । विशेष गरि विभिन्न समितिहरु गठन गरि कार्य विभाजन गरिएको छ । ती समितिहरु अहिले तिव्र गतिमा आफ्नो जिम्मेवारी पूूरा गर्न लागि परेका छन् ।

पूर्व मेचिदेखि पश्चिम महाकालीबाट आउने शाखा अध्यक्षहरुको बसाई र अन्य कुराको व्यवस्थापन कसरी गर्दै हुनुहुन्छ ?
– देशका विभिन्न ठाँउबाट आउनुहुने शाखा अध्यक्षहरुको आरामदायी बसोवासको लागि स्तरिय होटलको व्यवस्था गरेका छौं । हाम्रो कार्यक्रम तिलोत्तमा नगरपालिका योगीकुटीमा रहेको होटल पौवामा सञ्चालन हुने छ । तालिम सञ्चालन हुने उक्त होटलमा र त्यसको नजिकै रहेको होटलमा दुई दिनसम्म आरादायी बसाइँको लागि ब्यवस्था गरेका छौं । यो अविश्मरणीय बसाई हुने छ भन्ने कुरामा म पुर्ण विश्वस्त छु । कार्यक्रम सहभागि हुने महानुभावहरुलाई स्वागत गर्न हाम्रो बेग्लै युनिट रहेको छ । क्षेत्रगतरुपमा शाखा अध्यक्षज्यूहरुसँग संयोजन गर्न बुटवल जेसिजका युवाहरुलाई जिम्मेवारी दिइएको छ र म आफै पनि शाखा अध्यक्षज्यूहरुसँग सम्पर्कमा रहेर निमन्त्रणा गरेको छु ।

बुटवल जेसिजले लामो समयपछि तपाइँको कार्यकालमा नेपाल जेसिजको राष्ट्रिय कार्यक्रम आतिथ्यता गरेको छ । यसलाई कत्तिको चूनौतीको रुपमा लिनु भएको छ ?
– यो कार्यक्रमलाई चुनौतीभन्दा पनि मैले, मेरो टिम र बुटवल जेसिज परिवारले अवसरको रुपमा लिएको छु । पाका र पुराना पूूर्व अध्यक्षहरुको मार्गदर्शन अनि बुटवल जेसिज वर्ष–२०२० का सल्लाहकारहरुको सल्लाह र जेसिज सदस्यहरुको साथको कारण हामीले यो कार्यक्रम ऐतहासिक रुपमा सम्पन्न गर्दैछौं । तर,पनि हामीलाई केही चुनौती अवश्य पनि छन जस्तो अहिले कोरोना भाइरसको चर्चा चुलिएको छ । यो कुरामा हामीले स्थानीय प्रशासन तथा स्वास्थ्य विशेषज्ञसँग पटक–पटक छलफल गरेका छौं । ति छलफलहरुबाट हल भित्र सिमित हुने कार्यक्रम अर्थात् प्रशिक्षण भएको कारणले हामीले सहज रुपमा सम्पन्न गर्न सक्ने निष्कर्ष निकालेका छौं र सम्बन्धित निकायबाट कार्यक्रम गर्नकोलागि स्विकृति पनि पाई सकेका छौं । यसकारण वर्ष–२०२० को महत्वपूर्ण कार्यक्रम काउन्सलेर एकेडेमीमा निर्धक्क भएर सहभागि हुनहुन म सम्पूर्णमा हार्दिक अनुरोध गर्दछु ।

एकेडेमीका के-कस्ता गतिविधिहरु तथा विशेषताहरु रहेका छन् ?
–यो एकेडेमीमा नेपाल जेसिजका शाखा अध्यक्षहरुको लागि विशेष खालको प्रशिक्षण हुन्छ । नेपाल जेसिजका पूूर्व राष्ट्रिय अध्यक्ष राजेन्द्र बहादुर श्रेष्ठ प्रमुख प्रशिक्षकको रुपमा रहनुभएको छ । नेपाल जेसिज नै यो कार्यक्रमको आयोजकको रुपमा रहेको हुदाँ निरुपित राष्ट्रिय कार्यकारिणि उपाध्यक्ष, निरुपित राष्ट्रिय उपाध्यक्ष तथा राष्ट्रिय पदाधिकारीहरु पनि यो एकेडेमीलाई नयाँपन दिन लागि पर्नु भएको छ । नेपाल जेसिज वर्ष–२०२० का राष्ट्रिय अध्यक्ष जेसी अशोक शंकरको राष्ट्रिय प्रकरण 'Family, Friends, Future' लाई सार्थक र परिणाममुखी बनाउन यो एकेडेमी सार्थक हुने कुरामा हामी विश्वस्त छौं । म यसै अनलाइन सञ्चारमार्फत सम्पूूर्ण शाखाका अध्यक्ष तथा राष्ट्रिय पदाधिकारीहरुलाई काउन्सेलर एकेडेमी- २०२० मा सहभागिताको लागि हार्दिक निमन्त्रणा गर्दछु ।