लुम्बिनी प्रदेश स्तरिय २ दिने उद्यमी महिला प्रशिक्षक प्रशिक्षण सम्पन्न

तिलोत्तमा  । रुपन्देहीको तिलोत्तमामा लुम्बिनी  प्रदेश स्तरिय उधमी महिला प्रशिक्षक  प्रशिक्षण कार्यक्रम सम्पन्न भएको छ । वुमन एक्टको आयोजनामा प्रदेशका ८ वटा स्थानीय तहका महिला उधमीको सहभागितामा प्रशिक्षण भएको हो ।

कार्यक्रममा तिलोत्तमा नगरपालिकाका प्रमुख रामकृष्ण खाणले यस्ता तालिमले महिला दिदिबहिनीलाई अघि बढ्न हौसला प्रदान गर्ने, क्षमता बिकास  गर्ने, उधमशिलता फस्टाउने र बजारीकरण गर्न सहज हुने बताए । तिलोत्तमा नगरपालिका महिलामैत्री पालिका बन्ने तयारीमा रहेकाले पनि विभिन्न संस्थाले महिला संग सम्बन्धित कार्यक्रम गरिदिदा आफुहरुलाइ झनै सरल भएको र महिलाको बिकास मा टेवा पुगेको उनले जनाए । 

आत्मनिर्भर महिलाले आर्थिक रुपमा सबक भए कसैसँग हात फैलाउन नपर्ने बरु घरको सम्पुर्ण  जिम्मेवारी एक्लै पूरा गर्न सक्ने भएकाले पनि कार्यक्रम हरु फलदायी हुने बताए । महिलालाई उधमी बनाउन पालिकाले समेत लगानी  गरेर सीप बिकास , उधमी तालिम दिइरहेको भन्दै उनले यस  बाट अघि बढी महिलाले स्वावलम्बनको बाटो रोज्नुपर्ने बताए । प्रमुख खाणले अहिलेको युगमा सीप भएको नागरिक नै धनी नागरिक भएकाले सीप सिकेर उधमी बन्ने र त्यसलाइ जिउने माध्यम बनाउन सक्ने हुनुपर्ने बताए ।

त्यस्तै वडा न ५ का अध्यक्ष  रमेश  डुम्रे ले महिलालाई  उधम संग जोड्न तिलोत्तमाका हरेक वडामा बजेट  बिनियोजन भएको र सोही अनुसार कार्यक्रम समेत गरिराखिएको बताए । उनले महिलाले उत्पादन गरेका वस्तु बिक्री वितरण  र उत्पादन चिनाउन कार्यक्रम माध्यम बन्ने बताए । उनले महिला जसले उत्पादन गर्छन उनीहरुले आफ्ना उधम सानो भएपनी चिनाउन उत्पादित वस्तु बिक्री  गर्न नलजाइकन अघि सर्नुपर्ने बताए । वडा  ५ मा १० हजार उधमी महिला रहेको र सबैलाई उकास्न वडास्तरका कार्यक्रम गर्ने गरेको बताए ।

उक्त कार्यक्रममा बोल्दै वुमन एक्टका कार्यक्रमका संयोजक प्रकाश  अधिकारीले प्रशिक्षणमा ब्रान्डिङ, प्यकेजिङ, मार्केटिङ  च्यानल फाउन्डेसन लगायतका विषयमा सिकाइ सहभागिले आफ्ना वडा तथा पालिकामा रहेका अन्य उधमीलाइ सिकाउने र सन्जाल बनाएर उत्पादन बिक्री  गर्न सक्षम बनाउने बताए ।