ताजा अपडेट »

एकाबिहानै भारतमा आपका सांसद सिंहको घरमा सरकारकाे छापा

बुधबार, १७ असोज २०८०, ०९ : ०८
58 Shares

नयाँदिल्ली । भारतीय प्रवर्तन निदेशालय (ईडी)को टोलीले आम आदमी पार्टी (आप)का  सांसद सञ्जय सिंहको घरमा छापा मारेको छ । बुधबार बिहानै सात बजे इडिको टोली सांसद सिंहको निवासमा पुग्यो, जहाँ एक घण्टाभन्दा बढी समयसम्म छापा मारिएको थियो। यसबारेमा आम आदमी पार्टीका सांसद आफैंले पत्रकारलाई जानकारी दिएका छन् । 

यस वर्षको मे महिनाको सुरुमा पनि ईडीले सांसद सञ्जय सिंहको घरमा छापा मारेको थियो। त्यतिबेला उनका सहकर्मीको घर र कार्यालयमा खानतलाली गरिएको थियो । सञ्जय सिंहले लगातार ईडी र सीबीआईलाई घेराउ गरेका छन्। उनले केन्द्र सरकारले केन्द्रीय अनुसन्धान एजेन्सीमार्फत विपक्षी नेताहरुलाई धम्की दिन खोजेको आरोप लगाउँदै आएका छन् । 

दिल्ली मदिरा प्रकरण मुद्दामा दिल्लीमा आप सांसद सिंहको निवासमा छापा मारिएको जनाईएको  । मदिरा घोटाला प्रकरणमा इडीमार्फत दायर गरिएको चार्जशीटमा संजय सिंहको नाम तीन ठाउँमा देखिएको छ । यद्धपी, ईडीले यस विषयमा पहिले नै सफाई गरिसकेको छ। 

दिल्ली रक्सी घोटालामा पूर्व उपमुख्यमन्त्री मनिष सिसोदिया यसअघि नै जेलमा छन् । यस्तो अवस्थामा अहिले सञ्जय सिंह ईडीको रडारमा रहेको भारतीय सञ्चार माध्यमले जनाएका छन् ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।