तिलोत्तमाको बेबराचोक–कान्छीबजारसम्मको सडक निर्माण दोस्रो प्याकेजको ठेक्का सूचना प्रकाशन गर्न सहमति

बुटवल । तिलोत्तमा नगरपालिकाको मंगलापुर–सेमराबजार–कान्छीबजार सडकखण्ड अन्तर्गत बेबराचोकदेखि कान्छीबजारसम्म सडक निर्माणको लागि दोस्रो प्याकेजको ठेक्का सुचना प्रकाशन गर्न शहरी शासकीय तथा पूर्वाधार आयोजनाले सहमति दिएको छ ।

मन्त्रालयले नगरपालिकालाई एक पत्र लेख्दै सो २०८२ असार मसान्त भित्रमा सडक निर्माण सम्पन्न गर्ने गरी दोस्रो प्याकेजको ठेक्का सुचना प्रकाशन गरी कार्य अघि बढाउन अनुरोध गरेको हो । विश्व बैंकको सहयोगमा शहरी विकास मन्त्रालयको शहरी शासकीय तथा पूर्वाधार आयोजना (एनयुजीआईपी) मार्फत् यो सडक निर्माण हुने छ।