ग्लोबल आवाजAdvertisement
बुटवल । भुपू सैनिक बहुउदेश्यीय सहकारी सस्थाको २३ औं वार्षिक साधारणसभा सम्पन्न भएको छ । बुटवलमा भएको साधारणसभामा बोल्दै सहभागीहरुले स-सानो रकमबाट संकलित पुँजीलाई परिचालित गरी लगानी योग्य बनाउनुपर्नेमा जोड दिए ।
भुपूसैनिक सहकारीका सल्लाहकार कर्णेल गजेन्द्र बहादुर बस्नेतले भुपूहरुको एकल सहयोगमा निमार्ण भएको सहकारीले नमुना काम गरेर देखाउनु पर्ने बताएका थिए । उनले भुपूहरु लगनसिल अनुसासन नियमको पालन गर्ने कुरामा प्रतिवद्ध हुने कुरालाई सहकारीको व्यवस्थापन पक्षलाई मजबुत बनाएर देखाउनुपर्ने बताएका थिए ।
आर्थिक अभावको कारण समस्या धेरै रहेको भन्दै उनले दुःखका बेला सहयोग गर्नुपर्ने दायित्व रहेको बताएका थिए । सहकारीका अध्यक्ष राज कुमार केसीले २०७९/८० को सहकारीको प्रतिवेदन प्रस्तुत गर्दै तिलोत्तमामा रहेका भुपूहरुलाई सहकारी मार्फत एकजुट गराउँदै लगिएको बताएका थिए ।
उनले भुपूको सहकारी भुपु परिवारको सुखः दुखको सारथी बन्दै गएको समेत दाबी गरेका थिए । सहकारीको हालको पुजी १६ करोड ८८ लाख बढि रहेको छ । सहकारीले एक वर्षमा १९ करोड बनाउने लक्ष्य लिएको लेखा संयोजक दुर्गा बहादुर मल्लले जानकारी दिए ।
लेखा संयोजक दुर्गा बहादुर मल्ल, कृष्ण बहादुर अधिकारी, राष्ट्रिय सहकारीका तिलोतमा शाखा प्रमुख बासुदेव कोईराला, उतर बहादुर बानिया, मेजर जेबि खडका, सदस्य सारदा क्षेत्रीथापा सल्लाहकार यम बहादर कार्की लगाएतले शुभकामना मन्तव्य राखेका थिए । कार्यक्रममा भुपू परिवारबाट उच्च शिक्षा हासिल गर्ने, खेलकुदमा राष्ट्रिय तथा अन्तराष्ट्रिय पदक ल्याउने खेलाडीलाई सम्मान गरिएको थियो ।
प्रतिकृया दिनुहोस्