बुटवलकी ६ वर्षिया सोम्या डान्सिङ्ग स्टारको उत्कृष्ट- ६ मा

माघ १,

ग्लोबल आवाज

बुटवल । बुटवलकी ६ वर्षिया सोम्या पाण्डे ‘डेकर कपिलबस्तु डान्सिङ्ग स्टार’को उत्कृष्ट - ६ मा पुगेकी छिन् । छमछमी कला केन्द्रले आयोजना गरेको डान्सिङ्ग स्टारबाट पाण्डे टप- ६ मा पुगेकी हुन् । उनी बुटवलको न्यू होराइजन रुकूलमा कक्षा के.जी.मा अध्यनरत छिन् ।

प्रतियोगिताको सुरुवातदेखि नै उत्कृष्ट प्रस्तुति दिँदै सोम्या उत्कृष्ट ६ सम्म पुगेकी हुन् । उनलाई थप अगाडि बढ्न र उपाधि जित्न दर्शकको भोट नै मुख्य आधार हुने भएकाले भोट गरिदिन उनका बुवा दिपक पाण्डे ‘लक्की’ले आग्रह गरेका छन् । पाण्डे स्वयम् पनि कलाकार हुन् । आफ्नै घरबाट नृत्य सिकेर अघि बढ्दै गरेकी उनलाई भोट दिएर जिताउन सबैसँग पाण्डेले आग्रह गरेका छन् । फाइनल राउण्डमा प्रवेश गर्नका लागि उनलाई आई.एम.ई पे डाउनलोड गरेर कोड नम्बर- १३ मा भोट गर्न सकिन्छ । यहीँ माघ ३ गते शुक्रबार राति १२ बजेसम्म मात्रै भोटिङ खुला रहनेछ ।

उनी टप–६ मा पुग्ने सबैभन्दा कम उमेरकी प्रतिष्पर्धी हुन् । प्रतियोगितामको उतकृष्ट ६ मा बुटवलकी पाण्डेसँगै कपिलवस्तुका सौगात लम्साल, पबि बिश्वकर्मा, मनिसा नगरकोटी, सिमा पाण्डे र मिसन घर्ती मगर रहेका छन् । टप- ६ को लागि माघ ३ गते डान्सिङ्ग स्टारको जजमेन्टमा नायिका पुजना प्रधान, मोडल हरि शरण रिजाल र मोडेल सुमन पौडेल रहनेछन् ।

प्रतियोगिताका विजेताले उपाधिसँगै नगद १ लाख पुरस्कार सहि विभिन्न गिफ्ट ह्याम्पर प्राप्त गर्नेछन् । त्यसैगरी दोस्रो र तेस्रो पुरस्कार क्रमशः ५० हजार र २५ हजार रहेको छ । साथै द्वितीय र तृतीय हुनेलाई पनि विभिन्न गिफ्ट ह्याम्पर र म्यूूजिक भिडियोमाअभिनय गर्ने अवसर पनि रहेको छ । प्रतियोगितामा प्रदेश ५ का सबै जिल्लाबाट गरी करिब ४ सय ५० जनाको सहभागिता रहेको थियो ।