गुल्मीको बिश्व हिन्दु महासंघ अध्यक्षमा पुनः भुसाल

गुल्मी । बिश्व हिन्दु महासंघ गुल्मीको आठौं अधिवेशनले पुनः सुरेशचन्द्र भुसाललाई अध्यक्षमा निर्वाचित गरेको छ । शुक्रबार सदरमुकाममा सम्पन्न अधिवेशनले भुसाललाई सर्वसम्मत नेतृत्वको जिम्मेवारी सुम्पिदै ३८ सदस्यीय जिल्ला कार्य समिति चयन गरेको हो ।

Advertisement

उपाध्यक्षमा अर्जुन अर्याले सहित चार जना रहेका छन । बाँकी तीन जनाउपाध्यक्षहरु निर्वाचितहरुले पछि मनोनयन गर्ने गरी खाली राखिएको छ । सचिवमा मुकुन्दहरि गौतमलाई सर्वसम्म्त चयन गरिएको छ । सह–सचिव पनि रिक्त राख्दै देवराज पाण्डेलाई चयन गरिएको छ । अधिवेशनले पालिका स्तरिय संरचना पनि छिटै चयन गरी अगाडी बढ्ने निर्णय गरेको छ ।

अधिवेशनको प्रमुख अतिथी प्रदेश सांसद डिल्लीराज भुसालले उद्घाटन गरेका थिए । सम्वोधन गर्दै उनले धर्म र सुसंस्कृति समाज निर्माणमा बिश्व हिन्दु महासंघले खेलेको भुमिका प्रति सह्रना गरेका थिए । प्रथम बैठले रेसुङ्गा नगरपालिकाका पुर्व मेयर समेत रहेका सांसद भुसालाई बधाई ज्ञापन गर्दै सफल कार्यकालको शुभकामना दिने निर्णय गर्दै सम्मान ब्यक्त गरेको छ ।

गुल्मीको हकमा स्थापना काल २०६० देखि लगातार बिश्व हिन्दु महासंघको नेतृत्व गरेका भुसालले बिशेष गरी दलित र ग्रैहदलित बिच हुँदै आएको विभेद र छुवाछुत प्रथाको समुल नष्ट गर्न खुलेर लागेका छन ।
उनले केहि दिन अघिको कार्यक्रमा राजनैतिक दलहरुलाई समेत चुनौती दिदै दलित माथी हुने गरेको विभेद विरुद्ध लाग्न छाडेर के हेरेर बसेको भन्ने प्रति प्रश्न गरेका थिए । उनले हिन्दु धर्ममा कहाँ लेखेको छ दलित माथी विभेद गर्नु पर्छ भनेर ? भन्दै छाती खेलेर विभेद अन्त्यको अभियान छेड्दै आएका छन ।

उनै हुन देशभरलाई सन्देश दिदै र उत्प्रेरण छेड्दै केहि बर्ष अघि बिशाल कार्यक्रम राखेर जनैपुर्णिमाको दिन ब्राम्हणहरुद्धरा दलितहरुलाई डोरो बाध्ने कार्यक्रमको आयोजना गर्ने । नेपाली कांग्रेस गुल्मीका पुर्व सभापति रहेका भुसाल पछ्रिल्लो चरण राजनीतिमा निस्कृय जस्तै बनेर साझा भावनाले सुसंस्कृति समाज रुपान्तरणमा लागेका छन ।