बुटवल । नेकपा एमालेकाे पार्टी विस्तार तथा सुदृढीकरण अभियान अन्तर्गत मिसन ग्रासरूट अभियान रूपन्देहीको तिलाेत्तमा नगरपालिकामा जारी छ । साे अभियान अन्तर्गत बुधबार तिलाेत्तमा १ नम्बर वाड कमिटीकाे आयाेजनामा नम्बर १ मा सम्पन्न भएकाे छ ।

कार्यक्रमका प्रमुख अतिथि प्रदेश कमिटी सदस्य बिमला पन्थीले याे अभियानले सबैकाे मूल्यांकन हुने बताइन् । याे अभियान भनेकाे विशेषगरी पार्टी विस्तार र सुदृढीकरणकाे अभियान भएकाेले हाम्रा राम्रा कामकाे प्रचारप्रसार गर्नुपर्ने बताइन् । उनले पार्टीमा अनुशासनकाे कमी भएको बताउँदै अनुशासित पार्टी बनाउन आवश्यक रहेकाे बताइन् । उनले परिवर्तन आफूबाटै सुरू गर्नुपर्ने भन्दै हामी पछिका पीढीँलाई हामीले जागरुक बनाउनु जरूरी रहेकाे बताइन् ।

जिल्ला कमिटी सचिव यज्ञ गैह्रेले अधिकार खाेज्ने तर कर्तव्य बिर्सिने बानीले पार्टी कमजोर हुँदै गइरहेको बताए । पछिल्लो समय सबैजना व्यक्तिगत स्वार्थमा केन्द्रीत भएकाे बताउँदै अब हामी सुध्रिन जरूरी रहेकाे बताए । जिल्ला कमिटी सदस्य नारायण भट्टराईले एकताकाे साथ काममा लाग्नु पर्ने बताए । जिल्ला कमिटी सल्लाहकार उमानाथ कडेलले पार्टी के हाे , हामीले गर्नुपर्ने दायित्व कस्ताे हाे त्याे बुझ्न जरूरी रहेकाे बताए ।

सहभागीहरूले युवालाई समय समयमा स्मरण गर्नुपर्ने बताए । सहभागीहरूले आवश्यकताका आधारका मात्र नभई हरेक समयमा पार्टीले युवालाई सम्झिनु पर्ने बताएका छन् । उनीहरूले समय समयमा युवालाई प्रशिक्षण दिनुपर्ने बताएका हुन् । आवश्यकता पर्दा मात्रै तल्लाे तहका कार्यकर्तालाई सम्झिने अन्य समयमा बेवास्ता गर्ने परिपाटीले पार्टीमा अपनत्व हराउँदै गएकाे बताएका छन् । त्यसैले वैचारिक रूपमा प्रशिक्षित गर्नुपर्ने बताएका हुन् ।

वडा कमिटी अध्यक्ष गाेविन्द अर्यालकाे अध्यक्षता रहेकाे कार्यक्रमकाे सञ्चालन वडा कमिटी सचिव सुनिल पाण्डेले गरेका थिए ।