वृज सिमेन्ट सिभिलइन्जिनियरिङ प्रदर्शनी सम्पन्न

बुटवल । ‘दिगो विकास र समृद्व नेपालको लागि प्रविधि’–भन्ने मूल नाराकासाथ तेह्रौं राष्ट्रिय सिभिल इन्जिनियरिङ्ग प्रदर्शनी तथा प्रतियोगिता सम्पन्न भएको छ । नेपाल इन्जिनियरिङ्ग क्याम्पस पुल्चोकको प्राङ्गणमा यही २० गतेदेखि तीन दिनसम्म भएकोे प्रदर्शनीमा वृज सिमेन्टले मूख्य प्रायोजन गरेका थियो ।

प्रतियोगितामा फोटोग्राफी, क्विज, टे«जर हण्ट, पेपर ब्रिज कम्पिटिसन, पेपर प्रिजेन्टेसन, मिक्स डिजाइन कम्पिटिसन, सर्भेइङ्ग च्यालेन्ज, मोडल कम्पिटिसन, सेक टेबल कम्पिटिसन, पोयट्री कम्पिटिसन, ओलमपियाड गरी १२ विधामा विद्यार्थी बीच प्रतिस्पर्धा भएको थियो । प्रर्दशनीमा ललितपुर महानगरपालिका मेयर चिरीबाबु मर्हजन, नेपाल इन्जिनियर्स एशोसिएसनका सदस्य लगायत प्राध्यापक, इन्जिनियर र विद्यार्थीको सहभागिता थियो । प्रदर्शनी समापन अवसरमा प्रतियोगिताका विजेता र उपविजेतालाई वृज सिमेन्टका सियिर ब्राण्ड म्यानेजर अमित श्रेष्ठले वृज सिमेन्ट ट्रफी प्रदान गरेका थिए ।

सिभिल इन्जिनियर विधार्थी समाज नेपालद्वारा आयोजित राष्ट्रिय सिभिल इन्जिनियरिङ्ग प्रदर्शनी तथा प्रतियोगितामा विगत ९ वर्ष देखी वृज सिमेन्टले ट्रफी प्रायोजन गर्दै आएको छ । वृज सिमेन्ट इण्डष्ट्रीज प्रा.लि केडिया अर्गनाईजेशन अन्तर्गत एउटा प्रभाग हो । यो कम्पनी भैरहवा–लुम्विनी (रुपन्देही जिल्ला) मा अवस्थित छ । वृज सिमेन्ट उद्योगले पोर्टल्याण्ड पोजोलानासिमेन्ट (पि.पि.सि.), ४३ ग्रेडसाधारण पोर्टल्याण्ड सिमेन्ट (ओ.पि.सि) र पोर्टल्याण्ड स्लागसिमेन्ट (पि.एस.सि.) सिमेन्ट उत्पादनगरि विक्रीवितरण गर्दैै आइरहेको छ ।