एभरेष्ट बैंक र सिद्धार्थनगर सिटी अस्पताल बीच सम्झौता

बुटवल । एभरेष्ट बैंक लिमिटेड र सिद्धार्थनगर सिटी अस्पताल प्रा.लि भैरहवा बीच ग्राहक तथा कर्मचारीहरुको उपचार सेवाका विषयमा सम्झौता भएको छ । बिहीबार एभरेष्ट बैंकका नायब प्रमुख कार्यकारी अधिकृत विजयकुमार शर्माको उपस्थितीमा लुम्बिनी प्रदेश प्रमुख लव प्रसाद कुईंकेल र सिद्धार्थनगर सिटी अस्पतालका प्रबन्ध निर्देशक अर्जुन पौडेलले सम्झौतापत्रमा हस्ताक्षर गरेका छन् ।

बैंकमा आबद्ध ग्राहकहरु तथा बैंकका कर्मचारीहरुलाई सिद्धार्थनगर सिटी अस्पतालमा उपचारका लागि विशेष छुट दिने सहमती भएको हो । ओपीडी टिकट, ल्याब, एक्सरे, भिडियो एक्सरे, बेड चार्ज जनरल, फिजिओथेरापी, कपाल प्रत्यारोपण र क्याबिनमा विशेष छुट दिने सम्झौतापत्रमा उल्लेख गरीएको छ । भारतको पञ्जाव नेशनल बैंकको संयुक्त लगानीमा स्थापित एभरेष्ट बैंकले १२३ वटा शाखा र १६० एटिएमबाट सेवा प्रदान गर्दै आइरहेको छ । सिद्धार्थनगर सिटी अस्पताल सय बेडको अत्याधुनिक सुबिधासम्पन्न अस्पताल हो ।