तिनाउमा बाख्रा पालन सम्बन्धि सहजीकरण

मंसिर १५,
ग्लोबल आवाज
तिनाउ । पाल्पाको तिनाउ गाउँपालिका वडा नम्बर १ आरखोङ्डीमा बाख्रा पालन सम्बन्धि एक दिन अभिमूखिकरण कार्यक्रम सम्पन्न भएको हो । तिनाउ गाउँपालिका पशु सेवा शाखाको आयोजनामा भएको कार्यक्रममा बोल्दै गाउँपालिका अध्यक्ष ओमबहादुर घर्तिमगरले गाउँपालिका क्षेत्र बाख्रा पालनका लागि उत्तम स्थान रहेको बताउँदै व्यवसायीक रुपमा लाग्न आग्रह गरे ।

भारतबाट हुने मासुको आयातालाई घटाउनका लागि गाउँपालिकाभित्र गरिने बाख्रा पालनले केहीहदसम्म भएपनि सहयोग गर्ने बताउँदै गाउँपालिकाले बाख्रा पालनमा जोड दिएको बताए । बाख्राको मलबाट कृषि उत्पादन वृद्धि गर्नका लागि समेत उत्तम हुनेहुँदा दोहोरो फाइदा लिन सकिने उनले बताए । वडा नम्बर १ का अध्यक्ष रोमबहादुर लम्तरीको अध्यक्षतामा भएको कार्यक्रममा समाजसेवी चक्रव्यूह थापा, गाउँपालिका जनजाति समन्वय समितिका अध्यक्ष रेवन्त छहरी, स्थानीय एमान सिं चिदी लगायतले बोलेका थिए ।

कार्यक्रममा ३५ जना बाख्रा पालक कृषकहरुको सहभागीता रहेको थियो । पशु चिकित्सकहरु हरि सुवेदी र मिनबहादुर लम्तरीले सहजीकरण गरेका थिए । उन्नत जातका बाख्राहरु, आहारा र खोर व्यवस्थापन, प्रजनन् प्रक्रिया, रोग र परजीवीहरु लगायतका विषयमा सजहजीकरण गरिएको थियो ।

Advertisement