सडक सुधार कार्ययोजना सम्बन्धि दुइदिने कार्यशाला

मंसिर १५,
ग्लोबल आवाज

बुटवल । सैनामैना नगरपालिका मेयर चित्र बहादुर कार्कीले प्रचलित कानूनहरु समयमै नबन्दा अपेक्षाकृत विकास निर्माण हुन नसकेको बताएका छन् । पुराना कानून खारेज नहुदाँसम्म विकासले गती लिन नसक्ने भन्दै मेयर कार्कीले सुशासन एवम् विकासको अनुभुती हुने कानुन निर्माण गरि कार्यान्वयनको दिशामा अघि बढ्नुपर्नेमा जोड दिए ।

अवको विकास बैज्ञानिकरुपले दिर्घकालसम्मका लागी गर्नुपर्ने बताउँदै उनले कार्याशालामा प्रस्तुत भएका खाकाहरुलाई नगरपालिकाले अबलम्बन गर्ने बताए । सैनामैनामा सडक सुधार कार्ययोजना सम्बन्धी आजदेखि सुरु भएको कार्याशाला गोष्ठि बोल्दै उनले सो कुरा बताएका हुन् ।
बार्षिक ठेक्का प्रणाली समयमै नहुदा सडकहरु जिर्णहुँदै गएको नेपाल सरकारका पुर्व सचिव तथा वरिष्ठ इन्जिनीयर पुर्ण कडेरियाले बताए । गोष्टिको सहजीकरण गर्दै उनले आयोजनाहरु वहुवर्षीय हुनुपर्ने बताए ।

कार्यक्रममा सैनामैना नगरपालिका वडा न.१ देखि ११ सम्मका जनप्रतिनिधीको सहभागिता रहेको थियो । रुपन्देहीका ६ वटा स्थानीय तहका १५ जना इन्जिनीयर बिच कार्यक्रममा छलफल भएको छ । सडकको दिगो विकासका लागी सडकको अवस्था, सडक सम्पति व्यवस्थापन, सडकको जिवन चक्र प्रणाली, सडकमा इन्जिनीयरको भुमिका लगायतका विषयमा छलफल हुने भएको हो ।

यस्तै २ दिन सम्म चल्ने गोष्टिमा भोलि सैनामैनाका विभिन्न मार्गहरुको अवस्थालाई अवलोकन गर्ने तयारी रहेको नगरका प्रमुख प्रशासकीय अधिकृत कृष्ण प्रसाद भण्डारीले जानकारी दिए । सैनामैना नगरपालिकाको आयोजना तथा बेलायति सस्था एफिक डेफ्टको सैनामैना नगरपालिकाको आयोजना तथा बेलायति सस्था एफिक डेफ्टको प्राविधीक सहयोगमा कार्यक्रम भएको हो ।