बुटवलका ४ युवा ‘मिस्टर नेपाल’मा

मंसिर १०,
ग्लोबल आवाज
बुटवल । सौन्दर्य र बौद्धिक प्रतियोगिता मिस्टर नेपाल २०१९ का लागि रुपन्देहीमा छनौट कार्यक्रम भएको छ । मंगलबार तिलोत्तमामा सम्पन्न छनौट प्रष्पिर्धाबाट प्रतियोगिताका लागि ४ जना छनौट भएका छन् । छनौट हुनेहरुमा अनिल पौडेल,इन्द्र न्यौपाने, आशिष थापा र गगन पौडेल रहेका छन् । उनीहरु चारैजना बुटवलका हुन् ।

युवाहरुको प्रतिभा र क्षमतालाई प्रष्फुटन गर्दै अन्तराष्ट्रिय स्तरसम्म चिनाउने उद्देश्यले प्रतियोगिता आयोजना गरिएकोे आयोजक एक्सपोज नेपालले जनाएको छ । हरेक बर्ष आयोजना हुँदै आएको यो प्रतियोगिताको अडिशन यसपटक कैलालीको धनगढीबाट सुरु भएको थियो । बुटवल अडिशनको व्यवस्थापन प्रो सोल स्याकर्स प्रालिले गरेको थियो । देशका अन्य शहरमा हुने अडिसनबाट छनौट हुनेहरुबीच काठमाण्डौंमा ग्राण्ड फाइनल हुने छ ।