ताजा अपडेट »

रुपन्देहीको मायादेवी अध्यक्षमा पुनः कांग्रेसका चौधरी

बुधबार, ०४ जेठ २०७९, २१ : ०९
4 Shares

भैरहवा । मायादेवी गाउपालिकामा ध्रुव नारायण चौधरी फेरि दोहोरिएका छन । निर्वाचन अधिकृतको कार्यालयले दिएको जानकारी अनुसार चौधरीले अध्यक्ष पदमा ५ हजार ३ सय ८६ मत ल्याएर विजयी भएका हुन । उनका निकटतम प्रतिद्वन्द्वी लोकतान्त्रिक समाजवादी पार्टीका राम अधारे अहिरले ४ हजार ९ सय ८८ मत प्राप्त गरे । उपाध्यक्षमा लोसपाकी नर्वदा देवि उपाध्यय ४ हजार ९ सय ४२ मत ल्याइ विजयी भएकी छन । उनको निकटतम प्रतिद्वन्द्वी कांग्रेसको तारादेवी यादवले ४ हजार ८ सय ८९ मत प्राप्त गरिन । मायदेवीको वडा नम्बर १ मा एमालेका पलटु लोध ७ सय २२ मत ल्याएर विजयी भएका छन ।

उनका निकटतम प्रतिद्वन्द्वी जसपाका तप्पनाथ पाण्डेले ५ सय ८८ मत प्राप्त गरे । वडा नम्बर २ मा कांग्रेसका अगनु यादव ८ सय १७ मत ल्याइ विजयी भएका छन उनक निकटतम प्रतिद्वन्द्वी लोसपाका राम नारायण थारुले ७ सय ६१ मत प्राप्त गरे । वडा नम्बर ३ मा कांग्रेसकै मुहम्मद रफिक खान ९ सय ७७ मत ल्याइ विजयी भए भने उनका निकटतम प्रतिद्वन्द्वी लोसपाका श्रीराम यादवले ८ सय ७० मत प्राप्त गरे ।

वडा नम्बर ४ मा एमालेका अरुण कुमार तिवारी ५ सय ५१ मत ल्याइ विजयी भए भने उनका निकटतम प्रतिद्वन्द्वी राप्रपाका राजु प्रसाद बनियाले ४ सय ८३ मत प्राप्त गरे । वडा नम्बर ५ मा कांग्रेसका तेज नारायण पाल ७ सय २ मत प्राप्त गरि विजयी भए उनका निकटतम प्रतिद्वन्द्वी एमालेका भगवानदास कुर्मीले ५ सय ७० मत प्राप्त गरे ।

वडा नम्बर ६ मा लोसपाका अवधराज यादव ८ सय ९५ मत ल्याइ विजयी भए भने उनका निकटतम प्रतिद्वन्द्वी नेपाल जनता पार्टीका सुरेन्द्रनाथ यादवले ५ सय ६४ मत प्राप्त गरे । वडा नम्बर ७ मा लोसपाका शैलेन्द्र कुमार पाण्डेले १ हजार ३ सय ४९ मत प्राप्त गरे । उनका निकटतम प्रतिद्वन्द्वी कांग्रेसका रामा शंकर यादवले ८ सय ६७ मत प्राप्त गरे । वडा नम्बर ८ मा एमालेका चोक बहादुर मगर ७ सय ४२ मत ल्याएर विजयी भए भने उनका निकटतम प्रतिद्वन्द्वी कांग्रेसका बिक्रम बहादुर सुनारले ५ सय ३५ मत प्राप्त गरे ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।