ताजा अपडेट »

कोभिडविरुद्ध सचेतना अभियान

शनिबार, १९ भदौ २०७८, १७ : २०
2 Shares

बुटवल । रुपन्देहीको बुटवल उपमहानगरपालिका- ११, देविनगरस्थित विवान फार्मेसी र रोटरी क्लब अफ बुटवल चौतारीको आयोजना, बुटवल उपमहानगरपालिकाको सहकार्यमा शनिबार कोरोना भाइरसविरुद्धको सचेतना अभियान शुरु गरिएको छ । बुटवल उपमहानगरपालिका वडा नं ११ का वडाअध्यक्ष रामचन्द्र क्षेत्रीले मास्क वितरण गरि अभियानको उद्घाटन गर्दै कोभिड रोकथाम तथा नियन्त्रणको लागि सचेतना अभियान नै महत्वपुर्ण भएको बताए।

क्लबका अध्यक्ष सुरज क्षेत्रीले समाज परिवर्तनमा युवाहरुको अग्रता नै क्रियाशिलता जरुरी रहेको भन्दै सामाजिक संघसंस्थाहरुबाट हातेमालो गर्दै अगाडि बढ्नुपर्ने बताए। दिनको न्युनतम डेढ सय मास्कको दरले १० महिनासम्म गरि करिब ७२ हजार मास्क वर्षभरिमा बाडिने उनले बताए। विवान फार्मेसीका संचालक दिपक ढकालले स्वस्थ्य क्षेत्र सेवामुलक भएको भन्दै सामाजिक उतरदायित्वमा काम गर्ने बताए।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।