एजेन्सी। तपाई दक्षिण भारतीय फिल्मको दर्शक हुनुहुन्छ भने तपाईले ब्रह्मानंदमलाई न चिन्ने कुरै भएन । साउथका प्राय फिल्ममा सानो भूमिकामा भए पनि उनी देखा पर्ने गरेका छन् । सायद, यसैले गर्दा पनि उनले सर्वाधिक बढी फिल्ममा अभिनय गर्ने अभिनेताको रुपमा आफ्नो नाम गिनिज बुक अफ वर्ल्ड रेकर्डमा समेत लेखाई सकेका छन् । उनको उपस्थितिले फिल्ममा छुटै रौनकता नै थप्ने गर्छ । उनी फिल्ममा फिट मात्र हुँदैनन्, आफ्नो उपस्थितिको छाप समेत छाड्ने गर्छन् ।
त्यसो त उनलाई लोकप्रिय बनाउन निर्माण पक्षले पनि प्राय फिल्ममा स्थान दिने गरेका छन् । यसले गर्दा उनले सर्वाधिक फिल्ममा अभिनय गर्ने अभिनेताको रुपमा आफूलाई चिनाउन सफल भइसकेका छन् । केहीँ समय अगाडिसम्म उनले रेकर्ड बनाउनकै निमित प्राय फिल्ममा अभिनय गर्न पाउथे । यद्यपि पछिल्लो समय अवस्था फेरिएको छ । उनको बढ्दो लोकप्रियतालाई मध्यनजर गर्दै प्राय निर्देशकले उनलाई कास्टिङ गर्ने गरेका छन् ।
उनको उपस्थितिले दर्शकलाई थप मनोरञ्जन प्रदान गर्ने भएकोले पनि उनी निर्माण पक्षको रोजाईमा परिरहेका छन् । साथै, उनले एक दिन अभिनय गरे वापत ३ लाख भारु लिने गर्छन् । शिक्षक हुँदादेखि नै कमेडी गर्ने ब्रह्मानंदम यतिबेला साउथका फेमस कमेडी स्टार हुन् ।
युनिकोड
मिति रूपान्तरण
ग्लोबल आवाज
प्रतिक्रिया