राजीनामा दिएर मुख्यमन्त्रीले बचे-खुचेको लाज बचाउनु भो : कनौडिया

बुटवल । नेपाली कांग्रेस संसदीय दलको नेता वीरेन्द्र कनौडियाले मुख्यमन्त्री शंकर पोखरेलले पदबाट राजीनामा दिएर थोरै भएपनि लाज बचाएको बताएका छन् । प्रदेश सभाको विशेष अधिवेशनमा बोल्दै कनौडियाले यस्तो बताएका हुन् । उनले भने, 'देरआए दुरुस्त आए कमसेकम बचेखुचेको लाज पनि उहाँले बचाउनु भो, त्यसको लागि म माननीय मूख्यमन्त्री जीलाई धन्यवाद दिन चाहान्छु ।'

उनले आफूहरुले रहरले अविश्वासको प्रस्ताव दर्ता नगरेको बताए । उनले सरकार स्पष्ट अल्पमतमा भईसकेपछि र मुख्यमन्त्रीलाई पदमा बस्ने नैतिकता नभएपछि बाध्य भएर अविश्वासको प्रस्ताव दर्ता गरेको बताए ।