ताजा अपडेट »

लुम्बिनीका मुख्यमन्त्री पोखरेलद्वारा राजीनामा

बुधबार, २७ साउन २०७८, १३ : ०३
8 Shares

बुटवल । लुम्बिनी प्रदेशका मुख्यमन्त्री शंकर पोखरेलले राजीनामा दिएका छन् ।

प्रदेश सभामा आफूविरुद्ध अविश्वास प्रस्तावमाथि छलफल र निर्णय गर्न बोलाइएको विशेष अधिवेशन सुरू हुनु अगावै उनले राजीनामा दिएको हुन् । मुख्यमन्त्री पोखरले राजीनामाको पत्र लिएर प्रदेश प्रमुखको कार्यालयमा गएको एमाले प्रमुख सचेतक भूमिश्वर ढकालले बताए ।

नेकपा एमाले लुम्बिनी प्रदेश संसदीय दलको बैठकले अविश्वासको प्रस्ताव सामना गर्ने वा राजीनामा दिने निर्णय गर्ने अधिकार मुख्यमन्त्री शंकर पोखरेललाई थियो । बुधबार विहान मुख्यमन्त्री शंकर पोखरेलको सरकारी निवासमा बसेको बैठकले निर्णय गर्ने सबै अधिकार मुख्यमन्त्री पोखरलाई दिने निर्णय गरेको थियो ।

८० सदस्यीय प्रदेशसभामा मुख्यमन्त्री शंकर पोखरेल अल्पमतमा रहेका छन् । मुख्यमन्त्री पोखरेलाई नेकपा एमालेका ३८ जना सांसदको मात्रै समर्थन रहेको थियो भने विपक्षी गठबन्धनमा नेपाली कांग्रेसका १९, माओवादीका १८ सभामुख बाहेक, जनता समाजवादी पार्टीका ३ र जनमोर्चाका १ जना सांसद रहेका छन् ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।