लुम्बिनी एमाले : मुख्यमन्त्रीबाट राजीनामा वा सदनको सामना !

बुटवल । नेकपा एमाले लुम्बिनी प्रदेश संसदीय दलको बैठकले अविश्वासको प्रस्ताव सामना गर्ने वा राजीनामा दिने निर्णय गर्ने अधिकार मुख्यमन्त्री शंकर पोखरेललाई दिएको छ । बुधबार विहान मुख्यमन्त्री शंकर पोखरलको सरकारी निवासमा बसेको बैठकले निर्णय गर्ने सबै अधिकार मुख्यमन्त्री पोखरलाई दिने निर्णय गरेको एमाले सांसद बैजनाध चौधरीले बताए ।

एमालेले संसद बहिष्कार गर्ने कुरा पनि आएको छ यसको वास्तविकता के हो भन्ने प्रश्नमा ग्लोबल आवाजसँग कुराकानी गर्दै उनले भने ‘बहिष्कार त किन गर्न पर्छ र , कि संसद जाने कि राजीनामा दिने दुई वटामा एउटा हुन्छ ।’ मुख्यमन्त्री पोखरलले प्रदेशसभाको विशेष अधिवेशन बस्नु अघि नै यसबारे निर्णय लिने सरकारका प्रवक्ता समेत रहेका एमाले सांसद चौधरीले बताए ।