लुम्बिनी प्रदेश : एमाले संसदीय दलको बैठक सुरु

बुटवल । एमाले लुम्बिनीको संसदीय दलको बैठक सुरु भएको छ । विपक्षी गठाबन्धनले अविश्वासको प्रस्ताव दर्ता गरेको र सो को लागि आज प्रदेश सभामा विशेष अधिवेशन बस्दै छ । अविश्वासको मतको सामना गर्ने,राजीनामा दिने वा वैठक छल्ने अन्य कुनै रणनीति अपनाउने भन्ने विषयमा संसदीय दलको बैठक बसेको हो । बैठक मुख्यमन्त्री शंकर पोखरेलको निवासमा बसेको छ ।

लुम्बिनी प्रदेशका मुख्यमन्त्री शंकर पोखरेलविरुद्ध दर्ता भएको अविश्वासको प्रस्तावमाथि छलफलका लागि प्रदेशसभाको विशेष अधिवेशन आज दिउसो बस्दै छ । विपक्षी गठनबन्धनका नेपाली कांग्रेस, नेकपा (माओवादी केन्द्र), जनता समाजवादी पार्टी र राष्ट्रिय जनमोर्चाले गत साउन १९ गते प्रदेश सभा सचिवालयमा अविश्वासको प्रस्ताव दर्ता गर्नुका साथै प्रदेश प्रमुखसमक्ष विशेष अधिवेशन डाँक्न समावेदन दिएका थिए ।