ताजा अपडेट »

रिसोर्टमा गफिँदै माओवादी महिला सांसद

मंगलबार, २६ साउन २०७८, १७ : ३५
10 Shares

बुटवल । लुम्बिनी प्रदेशको सत्ताको बागडोरको विषय चरम उत्कर्षमा पुगेको छ । सत्तारुढको अन्तिम प्रयास जारी भइरहँदा विपक्षीको निर्णायक तयारी पनि अन्तिम अवस्थामा आएको छ । बुधबार बस्ने प्रदेश सभा बैठकले सत्तारुढ दलको निरन्तरता वा विपक्षी गठबन्धको सरकारमा एक हुँदैछ । सकेसम्म वैठक छल्ने वा वैठक भए बहुमत देखाएर सत्ता टिकाउने पहलमा सत्तारुढ नेकपा एमालेका तर्फबाट मुख्यमन्त्री शंकर पोखरेलको जोड छ ।

त्यसैगरी माओवादी, नेपाली कांग्रेस,जसपा लगाएतको गठबन्धन भने पोखरेल नेतृत्वका सरकार ढलाएर माओवादीका कुलप्रसाद केसीको नेतृत्वमा सरकार बनाउन जोड-तोडले लागेको छ । यसै सन्दर्भमा प्रदेश प्रमुखले आह्वान गरेको बुधबारको बैठकका लागि माओवादी सांसदहरु रिसोर्ट नै बुक गरेर एकिकृत भएका छन् । उनीहरु सोमबारदेखि कपिलस्तुको राजापनाी स्थित एक रिसोर्टमा बस्दै आएका छन् । त्यहाँबाट चिया गफ भन्दै महिला सांसदहरुले तस्वीर सार्वजनिक पनि गरेका छन् ।

अविश्वासको प्रस्ताव दर्ता भएसंगै सांसदहरु अपहरणमा परेका घटना आईरहँदा नेकपा माओवादी केन्द्रका र बुटवल पश्चिमका विपक्षी गठबन्धनका सांसद जम्मा भएका हुन्। भोलि बुधबार हुने बैठकमा अविश्वासको प्रस्तावमाथि छलफल हुने भएकाले आगामी रणनीति बनाउन उनीहरु जम्मा भएका छन्। दामा शर्माले सामाजिक सञ्जालमा महिला सांसदहरु बसेको तस्बीर सार्वजनिक गरेकी हुन् । तस्बीरमा दामा शर्मा, बिमला वलीखत्री, गिता थापा लगायत रहेका छन्। दामा शर्माले भने आफूहरु रिसाेर्टमै नभएकाे तर,आस-पासमै रहेकाे प्रतिक्रिया दिइन् । उनले फोटोकाे बारेमा चिया गफमा बिहान बसेकाे बेला तस्वीर खिचेकाे तर ढिलाे पाेष्टाएकाे बताइन् ।

https://www.globalaawaj.com/archives/127772
ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।