लुम्बिनीका मुख्यमन्त्री पोखरेलविरुद्धको अविश्वास प्रस्ताव रोक्न परेको रिट न्यायाधीश राउतको इजलासमा

काठमाडौँ । लुम्बिनी प्रदेशका मुख्यमन्त्री शंकर पोखरेलविरुद्धको अविश्वासको प्रस्ताव रोक्न सर्वोच्च अदालतमा परेको रिट निवेदन न्यायाधीश प्रकाशमान सिंह राउतको एकल इजालसमा परेको छ ।

प्रदेशसभा बोलाउने निर्णय संविधानविपरीत भएको भन्दै प्रदेशसभा सदस्य लीला गिरीले दायर गरेको रिटमाथि सुनुवाई मंगलबार न्यायाधीश राउतको इजलासमा ताेकिएकाे हो । 

मुख्यमन्त्री शंकर पोखरेलले आफू संविधानको धारा १६८(१) को बहुमतको मुख्यमन्त्री भएको दाबी गर्दै आएका छन् । उनीविरुद्ध अविश्वास प्रस्ताव दर्ता गरी समावेदन गरेपछि लुम्बिनी प्रदेशका प्रदेश प्रमुख अमिक शेरचनले साउन २७ गतेका लागि प्रदेशसभा बैठक आह्वान गरेका छन् ।

त्यसैलाई राेक्न रिट दायर गरिएकाे थियाे । यसै रिटलाई पोखरेलको सत्ता बहिर्गमन रोक्नका लागि ‘अन्तिम अस्त्र’ मानिएको छ । यद्यपी रिटबाट अन्तरिम आदेश नआए मुख्यमन्त्री पोखरेल अल्पमतमा परी हट्ने सम्भावना छ । 

मुख्यमन्त्री पोखरेललाई सर्वोच्चको भर, फैसला नआए अविश्वासको प्रस्तावको सामना गर्नुपर्ने