२१ असार २०७९, मंगलवार

Jul 5, 2022

बुटवल । बुटवल उपमहानगरपालिकाले कोभिड-१९ का कारण गतवर्ष कार्यान्वयन हुन नसकेका योजनाहरूलाई सम्पन्न गर्न पुनः म्याद थप गरेको छ । गत वर्ष कार्यान्वयनमा नआएका योजनाहरूका लागि गएको चैत्र महिना अन्तिम मिति तोकेको उपमहानगरले पुनः १५ दिन म्याद थप गरेको हो ।

Advertisement

फागुन मसान्तसम्म सबै योजनाहरूको सम्झौता गरी कार्यान्वयनमा जाने लक्ष्य लिएको बुटवल उपमहानगरले एक महिना थप गरी चैत्र मसान्तसम्म सबै योजनाहरूको सम्झौता गर्नेगरी समय सीमा परिवर्तन गरेको थियो । उपमहानगरले यहीबैशाखको १५ गतेसम्म गत आर्थिक वर्ष २०७६/७७ मा स्थगित भएका योजनाहरूलाई यसै आर्थिक वर्षमा सक्नेगरी पुनः म्याद थप गरेको हो । कोभिडका कारण यस वर्ष पनि सबै योजनाहरू कार्यान्वयन हुनेमा संका उत्पन्न भएको छ ।

गत आर्थिक वर्षका योजनाहरु २ सय ८९ बाँकी रहेकोमा चालु आर्थिक वर्षको चैत मसान्तसम्म आईपुग्दा २ सय ४८ योजना पूरा गरिसकेको महानगरले जनाएको छ । उपमहानगरले चालु आर्थिक वर्षमा कार्यान्वयनमा ल्याएका ४ सय ७ योजना मध्ये २५ योजना मात्रै सम्पन्न भएको बुटवल उपमहानगरपालिकाले गर्ने नियमित पत्रकार सम्मेलनमा जानकारी गराइएको हो । चालु आर्थिक वर्षका लागि गतवर्ष सहितका ८ सय १४ योजना स्वीकृत भएका थिए । यी मध्ये ६ सय ९६ योजना कार्यान्वयनमा गएका थिए ।

यसैबीच बुटवल उपमहानगरपालिकाले चैत मसान्तसम्ममा ३६ प्रतिशत मात्रै पूँजीगत खर्च गरेको छ । बुटवल उपमहानगरपालिकाले गर्ने नियमित पत्रकार सम्मेलनमा चालु आर्थिक वर्षमा ३६.२४ प्रतिशत मात्रै खर्च भएको उपमहानगरका प्रवक्ता रामप्रसाद रेग्मीले जानकारी दिए । उनले चालु खर्च ४४.८१ प्रतिशत र वित्तीय खर्च ४२.६६ प्रतिशत खर्च भएको बताए । चालु आर्थिक वर्षको चैत मसान्तसम्ममा अनुमानित आएको ७०.४५ प्रतिशत आम्दानी गरेको उपमहानगरले जनाएको छ। 

२ अर्ब २० करोड ३४ लाख अनुमानित आम्दानी लक्ष्य राखेको उपमहानगरले १ अबै ६२ करोड १४ लाख आम्दानी गरिसकेको जनाएको छ । संघीय सरकारबाट अनुमानितको ५३.६३ प्रतिशत, प्रदेश सरकारबाट ८०.९८ प्रतिशत, राजस्व बाँडफाँडबाट ७४.८१ प्रतिशत, आन्तरिक श्रोत ऋण समेत गर्दा ७०.६२ प्रतिशत आम्दानी गरेको जनाईएको हो । साथै उपमहानगरले कक्षा ५ सम्मका बालबालिकालाई प्रदान गरिने दीवा खाजा वापतको फागुन महिनासम्मको रकम निकासा गरेको जनाएको छ । साथै सिंगो बुटवल, एक विद्यालयको अवधारणलाई कार्यान्वयन गराउनको लागि कार्ययोजनाको प्रारम्भिक मस्यौदा तयार गरी अन्तिम छलफल भईरहेको उपमहानगरले जनाएको छ ।

प्रतिकृया दिनुहोस्

Flash News

भेरी अस्पतालमा चिकित्सकको दादागिरी, महिना नपुग्दै अग्रिम हाजिरी : ‘स्वास्थ्य मन्त्रालयको संरक्षण’ १५ दिने सुन चाँदीका गहना बनाउने तालिम एक चौथाईले घट्यो लुम्बिनीको आन्तरिक आय, दानपेटिकामा भारतीय र नेपाली मुद्रा मात्र एकै परिवारका ६ जनाकाे हत्यामा संलग्न चार जनालाई आजीवन कारावास लुम्बिनी प्रदेशबाट रोजगारका लागि दैनिक ४ सय बढी युवा विदेशिन बाध्य सुख्खा पहिरोमा पुरिएर अमृताको मृत्यु अमेरिकामा गोलीकाण्ड : हजारौंको मृत्यु रामेछाप बस दुर्घटनामा मृत्यु हुनेमध्ये ८ जनाको सनाखत केरा खेतीले दियो नसोचेको सफलता जेष्ठ नागरिक, एकल महिला तथा अपाङ्गलाई सम्मान प्रधानमन्त्री देउवाद्वारा गिरिजाबाबुको अर्धकदको शालिक अनावरण लुम्बिनी सरकार: १९ दिनमा करिब ५ अर्ब खर्च रामेछाप बस दुर्घटना : मृतकको संख्या १२ पुग्यो, घाइतेको हेलिकप्टरबाट उद्धार अस्ट्रेलियामा बाढीः सिड्नीका ५० हजार जनालाई घर छाड्न भनियो छुट्टाछुट्टै स्थानमा अवैध लागूऔषधसहित सात जना पक्राउ बोक्सीको आरोप लगाई महिलामाथि कुटपिट गर्ने धामी पक्राउ डुंगा डुब्दा १५ जना मछुवा बेपत्ता सुनको भाउ तोलामा १०० रुपैयाँले बढ्यो गोली देखाई छिमेकी तर्साउने एक जना पक्राउ काठमाडौँमा थप दुई जनामा हैजा