आधुनिक प्रबिधि अनुसारका काम जान्नुपर्नेमा जोड

बुटवल । अटो व्यवसायका क्षेत्रमा काम गर्ने कामदार र प्राविधिकहरू आधुनिक प्रविधि अनुसार काम जान्न आवश्यक रहेको एक कार्यक्रमका वक्ताहरूले बताएका छन् ।

बुटवल अटो इन्जिनियरिङ एसोसिएसनको आयोजनामा नवरत्न टेक्निकल इन्स्टिच्युट प्रा.लि. काठमाण्डौको सहकार्यमा आयोजित ६५ दिने अटो मोबाइल तालीम उद्घाटनका अवसरमा बोल्ने वक्ताले उक्त कुरा व्यक्त गरेका हुन । उनीहरूले यस्तो तालिमको सीपलाई व्यवहारमा ल्याउन सके राम्रो आय आर्जनका लागि पनि उपयोगी हुने पनि बताए ।

तालिमका प्रमुख अतिथि  नेपाल अटो मेकानिक्स व्यावसायिक महासघंका अध्यक्ष जनार्दन गैरेले आधुनिक प्रविधि अनुसार काम गर्न पर्ने भएकोले यस्ता तालिमले निकै महत्व राख्ने बताए।संस्थाका अध्यक्ष बाबुलाल पाण्डेले अटो व्यवसायी गाडीहरूको डाक्टर भएकोले यो व्यवहारिक ज्ञान सहितको तालिम निकै महत्वपूर्ण रहेको बताए ।

नवरत्न टेक्निकल इन्स्टिच्युटका प्रबन्ध निर्देशक बिक्रम पाण्डे ले यो तालिम व्यवहारिक ज्ञान हासिल गर्ने तरिकाले प्रदान गरिने हुदा अन्य तालिमभन्दा फरक रहेको जानकारी दिए । कार्यक्रममा  संस्थाका महासचिव तुल्सिराम न्यौपाने, सघका केन्द्रिय सचिव ज्योति भण्डारी , प्रेस सल्लाह दामोदर खनाल तालिम संयोजक चिन्तामणि खनाल लगायतले बोल्दै समयको चुनौती सामना गर्दै नयाँ प्रविधि सग जुध्न सहयोगी हुने बताए ।६५ दिने  यो अटो मोवाईल तालिममा ४० जना अटोमेकानिक्सहरूको सहभागिता रहेको छ ।तालिम प्रशिक्षक राधाकृष्ण देउला रहेका छन्।