कारागार भित्र कार्यालय सहयोगी मृत फेला

गुल्मी । जिल्ला कारागार गुल्मीमा मंगलबार विहान कार्यालय सहयोगी झुन्डिएको अवस्थामा मृत फेला परेका छन् । जिल्ला प्रहरी प्रवक्ता डिएसपी पुरुषोत्तम प्रसाद पाण्डेले अन्दाजी ४४ वर्षीय गोविन्द प्रसाद पाण्डे केही बेर अघि मात्र कारागार प्रमुखको कार्यकक्षको पछाडिको कोठामा झुन्डिएको अवस्थामा फेला परेको जानकारी दिए ।

कारागार प्रमुख भेषराज पन्थका अनुसार उनको घर जिल्लाको रेसुङ्गा नगरपालिका १० सिमिचौर हो । उनी २०६३ साल देखि कारागारमा कार्यालय सहयोगीको रुपमा कार्यरत थिए । बिहान ८र९ बजेको बिचसम्म बगैंचामा सिचाइ गर्दै थिए । तर १० बजे पछाडी नाइलेनको डोरीमा झुन्डिएको अवस्थामा फेला परेपछि प्रहरीलाई खबर गरिएको थियो । त्यस अघि कारगार भित्रका प्रहरी पोस्टहरुमा प्रहरीहरुसंग भलाकुसारी गर्न पुगेका थिए । उनको घरमा श्रीमती, १ छोरा र २ छोरी रहेको बताएको छ । हिजो साझ पनि उनी कारागार भित्रै थिए । परिवारका सदस्यहरुलाई बोलाइएको र घटनाको अनुसन्धान भैरहेको डिएसपी पाण्डेले बताए ।