११ माघ २०७८, मंगलवार

Jan 25, 2022


वैशाख १३,
ग्लोबल आवाज
बुटवल । प्रदेश नम्बर ५ का आन्तरिक मामिला तथा कानुनमन्त्री कुलप्रसाद केसीले सञ्चारमाध्यमहरु संघीय संरचना अनुरुप सञ्चालन गरिनुपर्ने बताए । गोरखापत्र संस्थानले समाचारदाताहरुको लागि सञ्चालन गरेको प्रदेशस्तरीय पत्रकारिता प्रशिक्षण कार्यक्रमको शुक्रबार उद्घाटन गर्दै मन्त्री केसीले गोरखापत्र पनि संघीय संरचना अनुरुप सञ्चालन भए प्रदेश सरकार सहकार्यको लागि तयार रहेको उल्लेख गरे ।

Advertisement


गोरखापत्रको एक सय १८ वर्षको गौरवपूर्ण इतिहासको चर्चा गर्दै उनले यसलाई समयानुकुल ब्यवस्थित गर्नुपर्नेमा जोड दिए । मन्त्री केसीले भने , ‘दुई पुस्ता पार गरेको गोरखापत्रसँग प्रदेश सरकारको भूमिका पनि जोड्न चाहन्छौं, आवश्यक प्रस्तावना लिएर आउनुहोस् ।’ गोरखापत्र सातवटै प्रदेशका ग्रमीण स्थानमा समेत पुग्ने वातावरण बनाउन आग्रह गर्दै मन्त्री केसीले नयाँ योजनाका साथ आउन आग्रह गरे ।


कार्यक्रममा बुटवल उपमहानगरपालिकाका प्रमुख शिवराज सुवेदीले समृद्धिको यात्रामा सञ्चारमाध्यमहरुको मुख्य भूमिका हुने बताउँदै सकारात्मक मनोविज्ञानका साथ काम गर्नुपर्नेमा जोड दिए । कार्यक्रममा गोरखापत्र संस्थानका कार्यकारी अध्यक्ष कृष्णमुरारी भण्डारीले मुुलुक कता जाँदैछ भनेर थाहा पाउन गोरखापत्र पढ्नै पर्ने बताए । कैयौं ब्यवस्थाहरु परिवर्तन हुँदा गोरखापत्रले महत्वपूर्ण भूमिका खेलेको स्मरण गराउँदै उनले देश कता जाँदैछ भन्ने आंकलन गर्न गोरखापत्र पढ्नै पर्ने चचा गरे ।


कार्यक्रममा सल्लाहकार सम्पादक गोपाल खनालले गोरखापत्र सरकार र कुनै पार्टीको मुखपत्र नभई राष्ट्रको मुखपत्र भएको बताए । गोरखापत्र दैनिकका प्रधान सम्पादक श्रीओम श्रेष्ठले गोरखापत्र ऐतिहासिक दस्तावेज हो भन्दै हाल ३८ भाषामा समाचार प्रकाशन गरिरहेको बताए । प्रशिक्षक शरच्चन्द्र वस्तीले गोरखपत्र सबैले खोजी–खोजी पढ्ने बनाउन जरुरी रहेको चर्चा गरे । नेपाल पत्रकार महासंघ प्रदेश नम्बर ५ का उपाध्यक्ष भरत केसीले सरकारी सञ्चारमाध्यमले यथार्थ सूचना दिन्छन् भन्ने मान्यता कायम भएकोे उल्लेख गरे । गोरखापत्र प्रदेश नं. ५ का संयोजक दीपक ज्ञवालीको संयोजनमा कार्यक्रम भएको हो ।


शनिबारसम्म चल्ने प्रशिक्षणमा सल्लाहकार सम्पादक खनाल, प्रधान सम्पादक श्रेष्ठ, राइजिङ नेपालका प्रधान सम्पादक जगदीश पोखरेल, सौरभ, शरच्चन्द्र वस्ती, समाचार संयोजक गोकर्ण अर्याल र नयाँ नेपाल संयोजक कुमार विवेकानन्द मिश्रले पत्रकारिता प्रशिक्षण दिनेछन् । प्रशिक्षणमा प्रदेश नं. ५ का दुई दर्जन समाचारदाताहरु सहभागी छन् ।

प्रतिकृया दिनुहोस्

Flash News

भोलि हुने राष्ट्रियसभा निर्वाचनको तयारी पूरा क्यामरुनको रंगशालामा भागदौड हुँदा ६ जनाको मृत्या राष्ट्रियसभा निर्वाचन सुरक्षाकाे जिम्मा प्रदेश प्रहरीलाई काठमाडौंमा सिटामोलको अभाव छ, यसमा पनि नाफाखोरीको तारतम्य छ ? कोरोनाको नाममा आफूखुसी कार्यालय अनुपस्थित, स्वीकृती लिएरमात्र बस्न निर्देशन जिल्ला भित्रने सबैलाई खोप कार्ड अनिवार्य मूल्यवृद्धिको बिरोधमा विप्लव नेकपाको प्रदर्शन प्रहरीको मोटरसाइकल लिएर फरार कैदी नाइके पक्राउ कर्णालीका मुख्यमन्त्री शाहीको सम्पत्ति : ५६ तोला सुन, ठाउँ-ठाउँमा जग्गा दाङमा अतिरिक्त खोप लगाउन सुरु, सिरिन्ज अभाव व्यवसायीलाई हतोत्साहित नबनाऔं सिद्धबाबा सुरुङमार्गको निर्माण आगामी महिना सुरु हुने बढ्यो संक्रमण, छैन सर्तकता राष्ट्रिय सभा निर्वाचन : लुम्बिनीमा कुन दलको कस्तो अवस्था ? नेपालमा एक लाख ६८ हजारले लगाए बुस्टर डोज, अझै एक करोड खोप मौज्दात १६ पुसदेखि हराइरहेकी महिलाको शव घरभित्रै फेला सुस्ता गाउँपालिकाद्वारा ६१ करोडको बजेट प्रस्तुत बिपी प्रतिष्ठान सम्हाल्न आइपुगे यादव, आन्दोलनरत पक्षकाे स्वागत, कर्मचारीकाे विरोध नालामा फसेर गैंडा मरेको विषयमा अनुसन्धान गर्न सहायक वार्डेनलाई जिम्मा जिल्ला प्रशासन रसुवाका ९० प्रतिशत कर्मचारीलाई कोरोना, शुक्रबारसम्म सेवा बन्द