ताजा अपडेट »

‘राज्य शक्तिको गलत प्रयोग गरी सरकार भ्रष्टाचारमा डुब्यो’

शनिबार, १३ मंसिर २०७७, ११ : २०
4 Shares

बुटवल । सार्वजनिक लेखा समितिका सभापति भरत कुमार शाहले वर्तमान सरकार भ्रष्ट्राचारमा डुबेको अरोप आरोप लगाएका छन् । सत्ताको शक्ति प्रयोग गरी हरेक क्षेत्रलाई आफ्नो नियन्त्रणमा लिएर भ्रष्टाचारका क्रियाकलापहरु जारी राखिएको उनले बताए ।

रिपोर्टस क्लबले आज शनिबार बुटवलमा आयोजना गरेको साक्षात्कार उनले सरकार भ्रष्टाचारमा डुब्दैजाँदा भाग वण्डाकै विषयले सत्तारुढ दल नेकपा भित्र झगडा उत्पन्न भएको दाबी गरे । ‘भ्रष्टाचारमा भागबण्डा नमिल्दा नेकपा भित्र झगडा भएको हो ।’-सभापति शाहाले भने, देश बर्बाद हुने स्थितीमा पुगेको छ । कोरोना नियन्त्रणका लागि स्वास्थ्य समाग्री खरिद होस वा ह्वाइटबडी खरिद लगायतका अन्य गरित सम्बन्धि काममा समेत व्यापक भ्रष्टार भएको उनले आरोप लगाए ।

सरकारले भ्रष्टाचार गर्ने र आपसमा झगडा गरेर देशलाई संकटमा पार्न खोजेको उनले टिप्पणी गरे । नेकपा भित्रको झगडा शैद्धान्तीक, राजनीतिकि वा विकास निर्माणको नभएर भ्रष्टाचारमा एकल्यौटी हुँदा उत्पन्न भएको आरोप लगाए । सार्वजनिक लेखा समितिमा परेका उजुरीका आधारमा आफूहरुले छानविन गरेपनि कारबाही हुन नसकेको जानकारी उनले बताए । प्रमुख प्रतिपक्षी दल नेपाली कांग्रेसका नेतासमेत रहेका शाहले सरकारले शक्तिको प्रयोग गरेरै भ्रष्टाचारीहरुलाई बचाउने गरेको आरोप लगाए । दुई तिहाईको शक्तिलाई सरकारले भ्रष्टाचारमा केन्द्रित गरेको उनले उल्लेख गरे ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।