बिहानै गुल्मीमा जीप दुर्घटना , ५ जनाको मृत्यु

गुल्मी । गुल्मीको इस्मामा बिहान जिप दुर्घटना हुँदा ५ जनाको मृत्यु भएको छ । २ जना गम्भीर घाइते भएका छन । इस्मा गाउँपालिका वडा नम्बर ४ साबिक दोहली गाबिसको हुला गाउँबाट तम्घासतर्फ आउदै गरेको लु १ ज ११६६ जीप हुलामै दुर्घटना हुँदा ५ जनाको मृत्यु भएको स्थानीयले बताए । नेपाल कम्युनिस्ट पार्टी नेकपा त्यस वडा कमिटी अध्यक्ष बिष्णु सुनारसङ्ग बुझ्दा ५ जनाको मृत्यु भएको र २ जना घाइते भएको थप कुरा बुझ्न बाकी रहेको बताए ।

यस सम्बन्धमा जिल्ला प्रहरी प्रमुख एसपी प्रवीण कुमार श्रेष्ठ सङ्ग बुझ्दा ५ जनाको मृत्यु भएको तर नाम बिवरण आउन बाकी रहेको बताए । तर ,घटना स्थलमा रहेका स्थानीय समाजसेवि माधव पौडेलका अनुसार जिप दुर्घटनामा नेपाली सेनाका दुई सैनिक जवानको ज्यान गएको छ । घर बिदा आएका त्यस गाउँका अन्दाजी ३५ बर्षिय धन बहादुर दर्लामी र सोही गाउँका अर्का सैनिक जवान उस्तै उमेरका शिवबहादुर दर्लामीको मृत्यु भएको छ ।

दर्लामीकि श्रीमति शरस्वती दर्लामी घाइते छ्न । सैनिक जवानहरु पल्टनमा हाजिर हुन जाँदै गरेको स्थानीयको भनाइ छ । मृतक दर्लामी र उनका भाइ वसन्त दर्लामीको पनि मृत्यु भएको पौडेलले बतए । मृतक ५ जना मध्ये हुला गाउँ कै अन्दाजी ६०बर्षिय डम्बर बहादुर हितान र ८० बर्ष नेटो काटेको बताइएकी सुन्दरी नाम गरेकी तर थर खुल्न नसकेकी एक वृद्धा रहेको बताइन्छ । प्रहरिले भने एकिन विवरण तयार पार्दैछ । जिप चालक बुद्ध बहादुर बस्नेत शकुशल छ्न । उनलाई इस्मा प्रहरी चौकी बाट पुगेको प्रहरीलेनियन्त्रणमा लिएको छ । सहचालक कमल हितानको हात भाचिएको छ ।