रुपन्देहीमा दुई मोटरसाइकल आपसमा ठोक्किदा १ जनाको मृत्यु, २ घाइते

बुटवल । रुपन्देहीको देवदहमा दुई मोटरसाइकल एक आपसमा ठक्कर खादा १ जनाको मृत्यु भएको छ भने अन्य २ जना घाइते भएका छन् । देबदह नगरपालिका–गणेशनगर स्थित पुर्ब पश्चिम राजमार्गमा पश्चिमबाट पुर्ब तर्फ जाँदै गरेको लु ४७ प ३२०२ नम्बरको मोटरसाइकल र पुर्ब बाट पश्चिम आउँदै गरेको लु ६५ प ५८६२ नम्बरको मोटरसाईकल सोमबार दिउँसो एक आपसमा ठक्कर खादा उक्त दुर्घटना भएको हो ।

दुर्घटनामा परी लु ६५ प ८५६२ नम्बरको मोटरसाइकलका चालक पर्बत घर भई नवलपरासी प्रतापपुर–१ का ५८ वर्षका कमान सिह थापाको मृत्यु भएको जिल्ला प्रहरी कार्यालय रुपन्देहीका प्रहरी प्रवक्ता खड्क बहादुर खत्रीले जानकारी दिए । यस्तै लु ४७ प ३२०२ नम्बरको मोटरसाइकलका चालक पाल्पाको बगनासकाली गाउँपालिका–४ का ३२ वर्षका योगेन्द्र तिमिल्सेना र स्याङजाको कालीगण्डकी गाउँपालिका–५ का ४१ वर्षका गुणाखर भुसाल घाइते भएको प्रहरीले जनाएको छ ।