२ भाद्र २०७९, बिहीबार

Aug 18, 2022

दाङ । नेपालमा रोजगारी नपाएको भन्दै वर्षेनी लाखौ युवा जनशक्ति विदेशिने गरेका छन् । तर,केहि युवा भने स्वदेशमै उदाहरणीय काम गरेर स्वरोजगार बन्ने गरेका छन् । अहिले विश्वब्यापीरुपमा फैलिएको कोरोना भाइरसको महामारीका कारण धेरैले रोजगारी गुमाइरहेका बेला दाङको घोराही उपमहानगरपालिकाका २ युवाको काम भने अरुका लागि सिक्नै पर्ने जस्तो छ ।

Advertisement

उच्च शिक्षा हासिल गरेका धेरै युवाहरु खेतीपातीप्रति खासै चासो राख्दैनन् । बरु उनीहरु बैदेशिक रोजगारीका लागि जोखिम मोलेर विदेशिने गर्दछन् । तर,दाङको घोराही उपमहानरपालिका वडा १० का कुलबहादुर डाँगी र तुलसीराम केसी भने मेवा खेती गरेर मनग्य आम्दानी गर्न लागेका छन् । डाँगी कानून ब्यवसायी र केसी शिक्षक हुन् । उनीहरु १ जना मिलेर एक वर्षअघि जिल्लामा पहिलो पटक नयाँ प्रजातिको रेडलेडी जातको ताइवानी मेवा खेती सुरु गरेका थिए ।

यो प्रजातिको मेवाको बिरुवा ताइवानबाट भारत हँुदै नेपालमा ल्याउनुपर्छ । आफूहरुले साढे २ बिगाह जमिन भाडामा लिएर सुरु गरेको मेवा खेतीले अहिले राम्रै फैलिरहेको उनीहरुले बताए । २ जनाको करिब २५ लाख रुपैयाँ लगानीबाट शुरु गरेको मेवा खेतीका लागि उनीहरुले अहिलेसम्म सरकारी तथा गैह्रसरकारी कुनैपनि निकायबाट अनुदान पाउनुभएको छैन । अनुदान नपाए पनि उनीहरुको कुनै गुनासो छैन । तर राज्यले कृषि क्षेत्रका लागि छुट्टाएको ठूलो रकम बास्तविक किसानहरुले नपाएकोमा भने डाँगीले चिन्ता ब्यक्त गरे । सुरुमा ३५ सय बोट रोपे पनि अहिले करिब ३ हजार मेवाका बोटहरु बारीभरी छन् ।

त्यसमध्ये करिब ९० प्रतिशत बोटमा फल लागेको अर्का ब्यवसायी केसीले बताए । उनका अनुसार अहिले १ स्थायी र अन्य ४ जनाले दैनिक ज्यालामा रोजगारी पाएका छन् । तर अहिले कोरोना महामारीका कारण सरकारले जारी गरेको लकडाउन र निषेधाज्ञाले मेवा बिक्री वितरणमा समस्या भएको केसीले बताए । । मेवा खेतीका नेपाल प्रतिनिधि मानसकुमार मण्डलले मेवा खेतीका लागि दाङमा हावापानी अनुकुल रहेको भनेपछि आफुहरुले मेवा खेती गर्ने सोच बनाएको केसी बताए ।

सुरु–सुरुमा उनीहरुले गरेका मेवा खेतीतर्फ स्थानीयले राम्रो मानेका थिएनन् । तर,अहिले राम्रो प्रतिफल आउन थालेपछि सबैले प्रशंसा गर्ने गरेको केसीको भनाई छ । उनहरुका अनुसार यो प्रजातिको मेवाको एक बोटले कम्तिमा ५० देखि १ सय किलोसम्म फल दिन्छ । एउटै बोटले ४ वर्षसम्म फल दिने र एउटा मेवाको तौल सवा २ देखि ३ केजिसम्म हुने गर्दछ । जिल्लाबाहिर १२० रुपैयाँसम्म बिक्री हुने गरेको भएपनि जिल्ला भित्र भने प्रति किलो ५० रुपैयाँमा बिक्रि गर्दै आएका छन् ।

प्रतिकृया दिनुहोस्

Flash News

नवलपरासीमा एक वर्षमा १८७ वटा सवारी दुर्घटना : ३४ जनाको मृत्यु, २७८घाइते प्लास्टिक झोला प्रतिबन्ध : कार्यान्वयनमा चूनौतीपूर्ण पूर्व-पश्चिम राजमार्गमा बसको ठक्करबाट अटो रिक्सामा सवार ३ जनाको मृत्यु, एक घाइते मौसम : लुम्बिनीका केहि स्थानमा मेघ गर्जनसहित मध्यम वर्षाको सम्भावना कलंकीको खसीबजार हटाउन काठमाडौं महानगरको १५ दिने अल्टिमेटम प्रतिनिधिसभा बैठक : नागरिकता विधेयक संसोधन नगरी आजै पारित गर्ने तयारी यस्ता छन् धरानका मेयर हर्क साम्पाङका १०० दिनका १३ काम काठमाडौंको फोहोर व्यवस्थापनमा चारबुँदे सहमति पशुआहारका लागि गाउँकै उद्योगमा उत्पादन भएको ‘साइलेज’ प्रयोग ‘भारत गौरव पर्यटक रेल’ दोस्रो पटक जनकपुरधाम आउँदै लुम्बिनी प्रादेशिक अस्पतालमा १५० शैय्याको नयाँ भवनबाट प्रसूति सेवा बन्दीलाई कारागारभित्रै अस्पताल मुख्यमन्त्री केजरीवालद्वारा ‘भारतलाई पहिलो बनाऔँ’ अभियान सुरु ‘पत्रकार कुट्ने’ परासीको पाल्हीनन्दन प्रमुखलाई कारवाहीको माग निर्वाचन सुरक्षा योजना बनाउन आयोगको निर्देशन अर्थमा चुक्यो लुम्बिनी सरकार नवलपरासीको विभिन्न स्थानबाट फरार ७ जना प्रतिवादी पक्राउ दार्चुलामा जीप दुर्घटना : पाँच जनाको मृत्यु, छ घाइते लुम्बिनी फोटो ग्राफर संघको सप्ताहव्यापी कार्यक्रम , ५० जनाले गरे रक्तदान लुम्बिनी सरकारले आफ्नाे सेवा सुविधा वृद्धिका लागि खुलायाे बाटाे, थप नियुक्तिका लागि अनुसूची हेरफेर