सार्वजनिक सम्पत्ति तोडफोड : प्रहरी मुकदर्शक,राजीनामा माग

भैरहवा । सार्वजनिक सम्पति तोडफोडको पुर्व सूचना पाएर पनि प्रहरीले नरोकेको भन्दै रुपन्देहीका प्रहरी प्रमुख हेमकुमार थापा र प्रमुख जिल्ला अधिकारी माहादेव पन्थको जनप्रतिनिधिले राजिनामा मागेका छन् । जिल्लाको शुद्धोधन गाउपालिका- ५, दर्बाहा बगैँचा तथा सिमसार क्षेत्रको संरक्षणको लागि गरिएको तारबार र पर्खाल भत्काउनेहरुलाई प्रहरीले सहयोग गरेको उनिहरुको आरोप छ ।

शुद्धोधन गाउँपालिकाले मानपकडिमा आयोजना गरेको पत्रकार सम्मेलनमा बोल्दै प्रदेश सांसद तुलसिप्रसाद चौधरिले भने, 'हिजो मध्यदिनमै दर्बाहको संरचना अराजक समुहले भत्काईरहयो । प्रहरि निरिक्षक सहितको टोलि रमिते बनेर बस्यो । उसले कसैलाई रोकेन । ' सांसद चौधरिले शान्ति सुरक्षा कायम गर्न नसक्ने प्रहरिको के काम भन्दै प्रहरि प्रमुख र सिडिओलाई तत्काल कारबाहि गर्न संघिय सरकार संग माग समेत गरे । उनले भने, 'मैले सिडिओलाई १७ पटक फोन गरेपछि बल्ल उठाउनुभयो । सार्वजनिक सम्पति नस्ट गराउने सुचना आएको छ । प्रहरी परिचालन गरेर रोकाउनु पर्यो भनियो । जिल्लाको प्रहरी प्रमुख, यो क्षेत्र हेर्ने छपिया ईप्रकालाई खबर गरियो । प्रहरी आयो तर उनिहरु रमिते बनेर बसें । लाखौको संरचना सबै ध्वस्त बनाईए । प्रहरी चुईक्क बोलेन ।'

पत्रकार सम्मेलनमा अध्यक्ष किशुसन चौधरिले सार्वजनिक सम्पतिको संरक्षणमा सुरक्षा दिन नसक्ने प्रहरिको कामै नभएको भन्दै तत्काल तिनका हाकिमलाई कारबाहि गर्नुपर्ने बताए । उनले भने, 'जसले सार्वजनिक सम्पति तोडफोड गरेको हेरेर बस्छन, तिनले भोलि मान्छे मरिरहदा पनि यस्तै रमिते हुने डर सृजना भएको छ । म त भन्छु , यस्ता प्रहरी कर्मचारि हामिलाई चाहिदैन जसले आफ्नो कर्तव्य बिसिएर विध्वंसात्मक गतिविधिलाई प्रशय दिन्छन् ।' सम्मेलनमा गाउपालिकाका प्रमुख प्रशासकिय अधिकृत अनन्तपाणि मरासिनिले प्रहरीले चाहेको भए त्यो घटना नहुने वातावरण रहेको बताए । उनले भने, 'अराजक समुहले तोडफोड गर्दा प्रहरिले रोकेन जसले गर्दा उनिहरु उत्साहित भएर झनै जथाभाबि तोडफोड गरे ।'

मानपकडिको दर्बाहमा गाउँपालिकाले दर्बाह मन्दिर र सोको वरिपरिको खालि जमिन समेटेर दर्वाह उद्यान बनाएको छ । उक्त उद्यानकोलागि पालिकाले गुरुयोजना नै बनाएर स्थानियको सहमतिमा काम गरिरहेको छ । शुद्धोधन गाउँपालिकाको पहिलो गाउसभाले ४० लाख बिनियोजन गरेर उक्त स्थलमा उद्यान बनाउन शुरु गरेको थियो । त्यसपछि आव ०७४/०७५ मा शुरु भएको गुरुयोजना ०७५/०७६ मा पनि ४० लाख बजेट बिनियोजन भई नदि तटबन्ध भईसकेको छ । गत आवमा प्रदेश सरकार पर्यटन मन्त्रालयको ३० लाख, अनि गापाको ५० लाख र प्रदेश सरकारको समनिकरण बजेटबाट ५० लाख सहित १ करोड ३० को लागतमा काम भईरहेको छ ।

दर्बाह मन्दिरको एेतिहासिकता सहित ससकृति झल्किनेगरि उद्यान निर्माण गर्ने र जोडिएको नदिमा डुंगा चलाउने समेत तयारि सहित काम भईरहेको छ । उक्त स्थलमा एक्कासि शुक्रबार दिउसो स्थानिय बिरेन्द्र माध्यामिक विद्यालयका प्रधानाध्यापक कृष्ण चौधरि र स्थानिय शेर बहादुर काफ्ले, विपिन कुर्मिको नेतृत्वमा तार जालि, पर्खाल तोडफोड गरिएको पालिकाले आरोप लगाएको छ ।

पालिका अध्यक्ष किशुसन चौधरिले हस्ताक्षर गरि पत्रकार सम्मेलनमा वितरण गरिएको विज्ञप्तिमा भनिएको छ, 'शेरबहादुर काफ्ले, बिपिन कुर्मि र कृष्ण चौधरिले योजनाबद्ध उक्त तोडफोड गरे । सार्वजनिक सम्पति तोडफोड गर्नेहरुलाई सार्वजनिक फोजदारि अपराधमा कारवाही गर्न र तिनिहरुबाटै नस्ट गरिएको संरचनाको मुल्याकन गरि क्षतिपुर्ति दिलाउन सम्बन्धित निकायसंग माग गर्दछौं ।'

विज्ञप्तिमा तोडफोडको नेतृत्व गर्नेहरुसंगै तिनका मतियारलाई पनि कारबाहि गर्न माग गरेका छन् । ईलाका प्रहरी कार्यालय छपियाका प्रहरी निरिक्षक रबिन्द्र खड्का खड्काले मान्छेहरुको भिड ठुलो हुदा थोरै संख्यामा भएको प्रहरिले नियन्त्रण गर्न नसकेको बताए । उनले भने, 'हामिले रोक्ने कोशिस गरेको हो सकेनौं ।'