सामाजिक विकास मन्त्रालयमा कार्यरत तीन कर्मचारीलाई कोरोना संक्रमण

काठमाडौं । प्रदेश २ को सामाजिक विकास मन्त्रालयका तीन जना कर्मचारीलाई कोरोना भाइरसको संक्रमण पुष्टि भएको छ । मन्त्रालय र प्रदेश स्वास्थ्य निर्देशनालयका २२ जना कर्मचारीको स्वाब संकलन गरी परीक्षण गर्दा तीन जनामा कोरोना पुष्टि भएको हो ।

संक्रमितमा सामाजिक विकास मन्त्री नवल किशोर साहका सवारी चालक, उनको निवासमा भान्सेको रुपमा रहेका कार्यालय सहयोगी र स्टोर किपरमा संक्रमण पुष्टि भएको स्वास्थ्य निर्देशनालय प्रदेश २ ले जनाएको छ । तीनै जना संक्रमित मन्त्री साहकै निवासमा खाना खाने गरेका थिए ।