थप ३११ जनामा कोरोना संक्रमण, संक्रमितको संख्या १९ हजार नाघ्यो

बुटवल । नेपालमा मंगलबार थप १३९ जनामा कोरोना संक्रमण भएको छ । स्वास्थ्य मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर गरी ३११ जनामा कोरोना संक्रमण भएको बताएका हुन् । ५ हजार १२९ जनामा गरिएको पिरिआर परिक्षणमा जनामा कोरोना संक्रमण पुष्टि भएको हो ।

योसँगै संक्रमितको कूल संख्या १९ हजार ६३ पुगेको छ । हाल देशभर गरी ५ हजार १३९ जना सक्रिय संक्रमित रहेका छन् । पछिल्लो २४ घण्टामा देशभर गरी थप १२१ जना कोरोना संक्रमित डिस्चार्ज भएका छन् । योसँगै कोरोना भाइरस संक्रमणमुक्त हुनेको कूल संख्या १३ हजार ७५ पुगेको छ । संक्रमित मध्ये ७२.८ प्रतिशत निको भएको स्वास्थ्य मन्त्रालयले जनाएको छ । हाल देशभरका बिभिन्न क्वारेन्टिनमा १५ हजार ३३१ जना रहेका छन् । हालसम्म ३ लाख ५२ हजार ३०७ जनाको पिसिआर विधिबाट कोरोनाको परिक्षण गरिएको स्वास्थ्य मन्त्रालयले जनाएको छ ।

Advertisement