पछिल्लो २४ घण्टामा १७०५ संक्रमित डिस्चार्ज, थप १४४ जनामा कोरोना

बुटवल । नेपालमा सोमबार मात्रै थप १४४ जनामा कोरोना संक्रमण भएको छ । स्वास्थ्य मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर गरी १४४ जनामा कोरोना संक्रमण भएको बताएका हुन् ।

योसँगै संक्रमितको कूल संख्या १६ हजार ९४५ पुगेको छ । पछिल्लो २४ घण्टामा देशभर गरी थप १ हजार ७०५ जना कोरोना संक्रमित डिस्चार्ज भएका छन् । योसँगै कोरोना भाइरस संक्रमणमुक्त हुनेको कूल संख्या १० हजार २९४ पुगेको छ । त्यस्तै ६ हजार ६ सय जना कोरोना संक्रमित उपचाररत रहेका छन् । भने कोरोनाका कारण ३८ जनाको मृत्यु भएको छ । हाल देशभर गरी २३ हजार ४७० जना व्यक्ति क्वारेन्टिनमा रहेको स्वास्थ्य मन्त्रालयले जनाएको छ ।