२० मंसिर २०७९, मंगलवार

Dec 6, 2022

बुटवल । बुटवल बहुमुखी क्याम्पसका नवनियुक्त क्याम्पस प्रमुख डा. खिमान्द न्यौपानेले बुधबार एक कार्यक्रमका बीच पदभार ग्रहण गरेका छन् । त्रिभवन विश्वविद्यालयको कार्यकारी परिषद्ले मंलबार न्यौपानेलाई बुटवल बहुमुखी क्याम्पसको प्रमुखमा नियुक्त गरेको हो । असार २० गतेबाट क्याम्पस प्रमुख डा.शखिशरण सुवेदीको ४ वर्षे कार्यकाल सकिएसँगै न्यौपाने क्याम्पस प्रमुखमा नियुक्त भएका हुन् ।

Advertisement

क्याम्पस प्रमुखको कार्यकाल सकिएपछि क्याम्पस प्रमुखले निमित्त क्याम्पस प्रमुख तोक्ने व्यवस्था भएता पनि निवर्तमान क्याम्पस प्रमुख सुवेदीले निमित्त क्याम्पस प्रमुख नतोक्दा बुटवल बहुमुखी क्याम्पस ३ दिन क्याम्पस प्रमुख बिहिन बनेको थियो।नवनियुक्त क्याम्पस प्रमुख न्यौपानेले आफ्नो कार्यकालमा क्याम्पसमा भएका सबै प्रकारका समस्या समाधान गर्ने बताएका छन् । उनले आफू कुनै शक्ति केन्द्रको आडमा क्याम्पस प्रमुख नभएको भन्दै आफ्नो क्षमताले भएको बताए । उनले विधि, प्रद्धति र प्रक्रिया भन्दा बाहिर गएर कुनै पनि काम नगर्ने प्रतिबद्धता जनाए ।

निवर्तमान क्याम्पस प्रमुख डा. शखिशरण सुवेदीले आफ्नो कार्यकालमा आफूले गर्न सकेका सबै काम गरेको बताए । उनले आफूले सुरु गरेका केही नयाँ कामलाई निरन्तरता दिनका लागि पनि नवनियुक्त क्याम्पस प्रमुख न्यौपानेलाई आग्रह गरेका छन् । साथै उनले नवनियुक्त क्याम्पस प्रमुख न्यौपानेलाई सबै प्रकारको सहयोग गर्न तयार रहेको बताए । नवनियुक्त क्याम्पस प्रमुख न्यौपानेलाई प्रध्यापक, कमर्चारी र विद्यार्थीहरुले बधाई तथा शुभकामना दिएका थिए । कार्यक्रमको संचालन साहायक क्याम्पस प्रमुख विजय सापकोटाले गरेका थिए ।

को हुन् न्यौपाने ?
नवनियुक्त क्याम्पस प्रमुख न्यौपाने वि.स. २०२४ वैशाख १५ गते अर्घाखाँचीको पाणेनी गाउँपालिका ५(मैदान)मा जन्मिएका हुन् । उनले २०५१ सालबाट काठमाडौँको अमृत साइन्स क्याम्पसबाट शिक्षण पेशा सुरु गरे । २०५२–२०५४ सम्म बुटवल बुहुमुखी क्याम्पसमा आशिक शिक्षकको रुपमा अध्यापन गराए । २०५४–२०६० सम्म बहुमुखी क्याम्पसमा नै करारमा शिक्षण साहयकका रुपमा अध्यापन गराएका थिए । २०६० सालमा नै उनी उप–प्राध्यापक बने । २०७२ सालमा सह–प्राध्यापक बन्नेका न्यौपानेले भारतको मिजोरम युनिभरसीटीबाट २०७५ सालमा भौतिक शास्त्रमा पि.एच.डी गरेका गरेका छन् ।

प्रतिकृया दिनुहोस्

Flash News

दिक्क मानेर कार्यालयमा बस्ने भन्दै मालिकले निकालिदिए, अदालतले पुनर्वहाली गरिदियो लागुऔषधसहित ५ जना पक्राउ मेलम्ची खानेपानी आयोजनालाई लिएर प्रकाशमानले प्रधानमन्त्री देउवालाई बुझाए ध्यानाकर्षण पत्र जनप्रतिनिधि आएको आठ महिनासम्म लालपुर्जा वितरण नभएपछि बर्दिवासवासी चिन्तित मोटरसाइकलको ठक्करबाट ८ वर्षीय बालिका घाइते प्रि-ओपन सेसनमा नेप्से सूचक २.३१ अंकले वृद्धि भाइलाई पत्नी जुटाउन यी दिदीले १२ वर्षदेखि गर्दैछिन् पैसाको जोहो अनुमतिविनाका अस्पताल छ्यापछ्याप्ती, नियमक निकाय मूकदर्शक सुपरमादीको आईपीओ खुल्यो, पुस ५ सम्म भर्न पाइने रोनाल्डो किन्‍न साउदी क्लब तयार सिम्रिकसँग हेलिकोप्टर किनेको हेली एभरेष्टले माग्यो ६ जना पाइलट अर्घाखाँचीको एउटै गाउँमा फल्यो पाँच करोडको सुन्तला पहिरोले बस पुर्दा कम्तीमा ३३ जनाको मृत्यु नेपाली अर्थतन्त्रको उल्टो यात्रा गृहमन्त्रीको चेतावनीलाई टेरेनन् मुख्यमन्त्रीले, बुटवलबाट रातारात मन्त्रालय दाङ देशभर चिसो बढ्यो, तराईमा साझ विहान हुस्सु वायु प्रदूषणः चीनमा हरेक वर्ष ६४ हजार शिशुको गर्भमै मृत्यु महाकालीको समस्या समाधानका लागि नेपालले आज कूटनीतिक नोट पठाउँदै नयाँ सांसद पनि भाडाकै भवनमा किन पार्टी फेरिरहन्छन् दीपक मनाङे ?