सुशान्तको ‘दिल बेचारा’को ट्रेलरले बनायो विश्व रेकर्ड

मुम्बई । दिवंगत बलिउड अभिनेता सुशान्त सिंह राजपूतको अन्तिम फिल्म ‘दिल बेचारा’ को ट्रेलरले विश्व रेकर्ड बनाएको छ । सोमबार रिलिज भएको ट्रेलरले छोटो समयमा धेरै लाइक्स पाउनेमा रेकर्ड बनाएको हो । ‘दिल बेचारा’ को ट्रेलर युट्युबमा रिलिज भएको ९८ मिनेटभित्र १० लाख लाइक्स पाउने संसारको पहिलो भिडियो बनेर रेकर्ड कायम गरेको हो ।

अन्तराष्ट्रिय सञ्चारमाध्यमका अनुसार यसअघि यो रेकर्ड कोरियन ब्यान्डको नाममा थियो । यो समाचार प्रकाशित गर्ने समयसम्म ३ करोड १२ लाख बढी पटक हेरिसकेका छन् । युट्युब ट्रेन्डिङको दोस्रो नम्बरमा रहेको छ । ट्रेलरलाई धेरैले मन पराएका छन् । अहिलेसम्म ६२ लाख जनाले लाईक गरेका छन् भने २२ हजारले डिस लाईक गरेका छन् । ३ लाख ५५ हजार हजार बढी प्रतिक्रिया आएको छ ।

#DilBecharaTrailer becomes the fastest Video in the world to cross 1 Million likes On Youtube in only 98 minutes. #DilBechara #SushanthSinghRajput #SanjanaSanghi pic.twitter.com/aX24uGvzi7

— Indian Box Office (@box_oficeindian) July 6, 2020

फिल्म ‘दिल बेचारा’ का निर्देशक मुकेशश छाबडाको यो पहिलो निर्देशित फिल्म हो । उनी यसअघि कास्टिङ डायरेक्टर थिए । फिल्ममा सुशान्त सिंह राजपूत र संजना सांघीबाहेक सैफ अली खान र स्वस्तिका मुखर्जीको पनि महत्वपूर्ण भूमिका छ ।