पाल्पाका ४५ वर्षीय पुरुषको कोरोनाबाट मृत्यु भएको पुष्टि

बुटवल । पाल्पाको पूर्वखोलाका ४५ वर्षीय पुरुषको कोरोनाका कारण मृत्यु भएको छ । उनको जेठ २० गते मिसन अस्पताल पाल्पामा मृत्यु भएको थियो ।

उनको संकलित स्वाब परीक्षणका लागि पठाइएकोमा रिपोर्ट पोजेटिभ आएको स्वास्थ्य मन्त्रालयका प्रवक्ता डा विकास देवकोटाले जानकारी दिए । उनी भारतबाट आएर क्वरेन्टाइनमा बसेका थिए भने स्वास्थ्यमा समस्या भएपछि अस्पतालमा भर्ना भएकोमा मृत्यु भएको हो। योसँगै नेपालमा कोरोना संक्रमणबाट मृत्यु हुनेको संख्या १० पुगेको छ।