काठमाडौ । अमेरिकाको फ्लोरिडा अन्तर्राष्ट्रिय विमानस्थलको घाँसेमैदानमा आगलागी हुँदा ३५ सय कार जलेको अधिकारीले जनाएका छन्।
आगलागी शुक्रबारबाट सुरु भएको थियो । विमानस्थलको ६ हेक्टरभन्दा बढी जमिनमा आगो फैलिएको थियो र सुरुमा त्यहाँ रहेका २० वटा भाडाका कार जलेको फोर्ट मायर्सको फायर डिपार्टमेन्टले जनाएको छ । आगो नियन्त्रणमा आउँदासम्म तीन हजार पाँच सय कार जलिसकेका थिए ।
आगलागी सुरु भएको १८ घन्टापछि शनिबार नियन्त्रणमा आएको थियो । आगो तीव्र गतिमा फैलिए पनि विमानस्थलका अन्य संरचनामा भने आगलागी भएन । आगलागीको कारण खुलेको छैन ।
प्रतिक्रिया