ताजा अपडेट »

कोरोनाविरुद्ध सतर्कता : अर्घाखाँचीको छत्रदेवमा मास्क उत्पादन सुरू

शुक्रबार, ३० फागुन २०७६, १३ : ५०

सन्धिखर्क । चीनबाट सुरु भएको नोवेल कोरोना (कोभिड-१९) भाइरसबाट नेपाल उच्च जोखिममा भएपछि कोरोनाविरुद्ध उच्च सर्तकता अपनाउँदै अर्घाखाँचीको छत्रदेव गाउँपालिकाले मास्क उत्पादन सुरू गरेको छ । बजारमा मास्कको अभाव देखिएपछि पालिकाले स्थानीय टेलर्स व्यवसायीमार्फत मास्क उत्पादन सुरू गरेको पालिका अध्यक्ष लेखनाथ पोखरेलले बताए ।

विश्वभर महामारीका रूपमा फैलिएको कारोनाको त्रासकाबीच छत्रदेव गाउँपालिकाले पालिका भित्रका सबै वडाका स्थानीयवासीलाई वितरण गर्न सकिने गरी ३० हजारभन्दा बढी मास्क उत्पादन गर्ने काम भइरहेको पोखरेलले बताए । पालिकाका सबै कर्मचारीलाई मास्क वितरण गरिसकिएको र सबै वडा कार्यालयमार्फत स्थानीयवासीलाई वितरण गर्न सुरू गरिएको प्रमुख प्रशासकीय अधिकृत खिमानन्द भुसालले जानकारी दिए ।

बजार भाउभन्दा सस्तो मास्क आफूहरुले उत्पादन गरेर वितरण गरिएको उनको भनाई छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।